ദുബായ്- ഇറാനിയന് ഡ്രോണുകള് ദുബായ് വ്യോമാതിര്ത്തിയില് വിജയകരമായി തടഞ്ഞു നശിപ്പിച്ചതായും ഇതിന്റെ അവശിഷ്ടങ്ങള് എമിറേറ്റിലെ രണ്ട് വീടുകളുടെ മുറ്റത്ത് പതിച്ചതായും അധികൃതര് അറിയിച്ചു. വ്യോമപ്രതിരോധ സംവിധാനങ്ങള് ഡ്രോണുകളെ ആകാശത്തുവെച്ച് തന്നെ തകര്ത്തതിനെത്തുടര്ന്നാണ് അവശിഷ്ടങ്ങള് താഴേക്ക് വീണത്. സംഭവത്തില് വീടുകളുടെ പരിസരത്തുണ്ടായിരുന്ന രണ്ടുപേര്ക്ക് പരിക്കേറ്റു.
പരിക്കേറ്റവര്ക്ക് ആവശ്യമായ വൈദ്യസഹായം ഉടന്തന്നെ ലഭ്യമാക്കിയതായി ബന്ധപ്പെട്ട അധികൃതര് വ്യക്തമാക്കി. സിവില് ഡിഫന്സ് വിഭാഗവും പോലീസും സ്ഥലത്തെത്തി സ്ഥിതിഗതികള് നിയന്ത്രണവിധേയമാക്കി. ജനവാസ മേഖലകളില് അവശിഷ്ടങ്ങള് പതിച്ചത് പരിഭ്രാന്തി പരത്തിയെങ്കിലും, അടിയന്തര സേവന വിഭാഗങ്ങള് കൃത്യസമയത്ത് ഇടപെട്ട് സുരക്ഷ ഉറപ്പാക്കി.
മേഖലയില് കേട്ട ഉഗ്രസ്ഫോടന ശബ്ദങ്ങള് ഡ്രോണുകളെ ആകാശത്തുവെച്ച് തടഞ്ഞപ്പോള് ഉണ്ടായതാണെന്ന് ദുബായ് ഗവണ്മെന്റ് മീഡിയ ഓഫീസ് വിശദീകരിച്ചു. നിലവില് ജനങ്ങള്ക്ക് മറ്റ് ഭീഷണികളില്ലെന്നും സുരക്ഷാ സംവിധാനങ്ങള് ജാഗ്രതയിലാണെന്നും അധികൃതര് അറിയിച്ചു. ജനങ്ങള് ഔദ്യോഗിക അറിയിപ്പുകള് മാത്രം വിശ്വസിക്കണമെന്നും അധികൃതര് കൂട്ടിച്ചേര്ത്തു.
Related News
