ഇസ്ലാമാബാദ്: ഇറാന്-ഇസ്രായേല് സംഘര്ഷത്തില് ഇറാന് പരമോന്നത നേതാവ് ആയത്തുല്ല അലി ഖാംനഈ കൊല്ലപ്പെട്ടതിനു പിന്നാലെ പാകിസ്ഥാനിലെ കറാച്ചിയില് യു.എസ് കോണ്സുലേറ്റിന് നേരെ പ്രതിഷേധക്കാരുടെ ആക്രമണം. പൊലീസ് വെടിയുതിര്ക്കുകയും എട്ട് പേര് കൊല്ലപ്പെട്ടതായും പാക് മാധ്യമങ്ങള് റിപ്പോര്ട്ട് ചെയ്തു. 30 ലേറെ പേര്ക്ക് പരിക്കേറ്റു. കോണ്സുലേറ്റിന്റെ പ്രവേശന കവാടത്തില് അതിക്രമിച്ചുകയറിയ പ്രതിഷേധക്കാര് ഗാര്ഡ്ഹൗസിന് തീയിടുകയും സുരക്ഷാ ബാരിക്കേഡുകള് തകര്ക്കുകയും ചെയ്തു. ഇതോടെ പ്രതിഷേധക്കാരെ പിരിച്ചുവിടാന് പൊലീസ് വെടിയുതിര്ക്കുയായിരുന്നു.
യു.എസ് കോണ്സുലേറ്റിന് പുറത്ത് തടിച്ചുകൂടിയ പ്രതിഷേധക്കാര് ജനാലകള് തകര്ക്കുകയും വടികളും കല്ലുകളും എറിയുകയും ചെയ്തു. ഖാംനഈയുടെ മരണ വാര്ത്ത പുറത്തുവന്നതോടെ, ഇസ്രായേലും യു.എസും പശ്ചിമേഷ്യന് മേഖലയെ അസ്ഥിരപ്പെടുത്താന് ശ്രമിക്കുകയാണെന്നാരോപിച്ച് ആയിരക്കണക്കിന് പേര് പ്രതിഷേധവുമായി തടിച്ചുകൂടുകയായിരുന്നു.
ജനക്കൂട്ടത്തെ പിരിച്ചുവിടാന് പോലീസും അര്ധസൈനിക വിഭാഗങ്ങളും ലാത്തി വീശുകയും കണ്ണീര്വാതകം പ്രയോഗിക്കുകയും ചെയ്തതായി പോലീസ് പറഞ്ഞു. ശിയ നേതാവായ ഖാംനഇയുടെ കൊലപാതകത്തോടെ പാകിസ്ഥാനിലുടനീളം പ്രതിഷേധം ആരംഭിച്ചിട്ടുണ്ട്.
Related News
