കോഴിക്കോട് : പ്രവാസി പെന്ഷന് തുക വര്ദ്ധിപ്പിക്കുക, പെന്ഷന് പ്രായ പരിധി ഒഴിവാക്കുക, നോര്ക്ക ആരോഗ്യ ഇന്ഷുറന്സ് പദ്ധതിയില് തിരിച്ചു വന്ന പ്രവാസികളെ ഉള്പ്പെടുത്തുക, തദ്ദേശ സ്ഥാപനങ്ങളില് പ്രവാസി കാര്യ സ്റ്റാന്ഡിങ് കമ്മിറ്റി രൂപീകരിക്കുക തുടങ്ങി ഏറെ സുപ്രധാനമായ ആവശ്യങ്ങള് ഉന്നയിച്ചു കൊണ്ടുള്ള പ്രവാസി ലീഗ് അവകാശ രേഖ ഇന്ന് സംസ്ഥാന പ്രസിഡന്റ് ഹനീഫ മൂന്നിയൂര് വൈസ് പ്രസിഡന്റ് പി എം എ ജലീല് എന്നിവര് യു ഡി എഫ് മാനിഫെസ്റ്റോ കമ്മിറ്റി മുമ്പാകെ സമര്പ്പിച്ചു.
കോഴിക്കോട് കെ പി കേശവ മേനോന് ഹാളില് നടന്ന സിറ്റിങ്ങില് മാനിഫെസ്റ്റോ കമ്മിറ്റി ചെയര്മാന് ബെന്നി ബഹനാന് (എം.പി) അധ്യക്ഷത വഹിച്ചു. മുസ്ലിം ലീഗ് ജനറല് സെക്രട്ടറി പി എം എ സലാം ആമുഖ പ്രഭാഷണം നിര്വഹിച്ചു. അംഗങ്ങളായ കൊടിക്കുന്നില് സുരേഷ് (എം പി ) എന്. ശംസുദ്ധീന് (എം എല് എ ) തുടങ്ങിയവര് വിവിധ സംഘടന പ്രതിനിധികളുടെ ആവശ്യങ്ങള് രേഖപ്പെടുത്തുകയും നിവേദനം സ്വീകരിക്കുകയും ചെയ്തു.
Related News
