ദമ്മാം: പ്രവാസി വെല്ഫെയര് ദമ്മാം റീജീയണല് കമ്മിറ്റിയുടെ ആഭിമുഖ്യത്തില് സംഘടിപ്പിച്ച ഇഫ്താര് സംഗമം ജനപങ്കാളിത്തം കൊണ്ടും കിഴക്കന് പ്രവിശ്യയിലെ ജാതി- മത വ്യത്യാസങ്ങള്ക്കതീതമായ സൗഹൃദങ്ങളുടെ കൂടി ചേരലുമായി. ദമ്മാം സൈഹാത്തില് നടന്ന ഇഫ്താറില്, റീജീയണല് കമ്മിറ്റി പ്രസിഡന്റ് ജംഷാദലി കണ്ണൂര് കിഴക്കന് പ്രവിശ്യയിലെ കലാസാംസ്കാരിക, രാഷ്ട്രീയ സാമൂഹ്യ മേഖലയിലെ വ്യക്തിത്വങ്ങളായ ഡോ. സിന്ധു ബിനു, ലീനാ ഉണ്ണികൃഷ്ണന്, അയ്യൂബ് കൊടുങ്ങല്ലൂര്, ബിനു പുരുഷോത്തമന്, ഉണ്ണികൃഷ്ണന്, എന്നിവര് അതിഥികളായി.
സംഗമത്തില് വിവിധ ജില്ലാ -റീജിയണല്, വനിതാ വിഭാഗം കമ്മിറ്റി ഭാരവാഹികളും പ്രവര്ത്തകരും പങ്കെടുത്തു. ജനറല് കണ്വീനര് സലീം കണ്ണൂര്, ഷൗകത്ത് പാടൂര് ,ബിനാന് ബഷീര്,ആഷിഫ് കൊല്ലം, ഷരീഫ് കൊച്ചി, ജാബിര് കണ്ണൂര്,ഷമീം കണ്ണൂര്, സജ്ജാദ് ,സുനില സലീം, ജസീറ ഫൈസല്, അനീസ മെഹബൂബ് , ഷോബി ഷാജു എന്നിവര് നേതൃത്വം നല്കി.
Related News
