ജിദ്ദ: ഉംറ തീര്ത്ഥാടകര്ക്ക് വിമാനത്താവളങ്ങളിലെ നടപടിക്രമങ്ങള് വേഗത്തിലാക്കാന് അത്യാധുനിക സാങ്കേതികവിദ്യകളുമായി സൗദി പാസ്പോര്ട്ട് വിഭാഗം (ജവാസത്ത്). ജിദ്ദയിലെ കിംഗ് അബ്ദുല് അസീസ് അന്താരാഷ്ട്ര വിമാനത്താവളം, മദീനയിലെ പ്രിന്സ് മുഹമ്മദ് ബിന് അബ്ദുല് അസീസ് അന്താരാഷ്ട്ര വിമാനത്താവളം എന്നിവിടങ്ങളിലാണ് തീര്ത്ഥാടകര്ക്കായി പുതിയ സംവിധാനങ്ങള് ഒരുക്കിയിരിക്കുന്നത്.
തീര്ത്ഥാടകര്ക്ക് പാസ്പോര്ട്ട് ഉദ്യോഗസ്ഥരുടെ സഹായമില്ലാതെ തന്നെ പ്രവേശന-പുറപ്പെടല് നടപടികള് സ്വയം പൂര്ത്തിയാക്കാന് സാധിക്കുന്ന 'ഇലക്ട്രോണിക് ഗേറ്റ്' സംവിധാനമാണ് ഇതില് പ്രധാനം. ബയോമെട്രിക് വെരിഫിക്കേഷനിലൂടെ സെക്കന്ഡുകള്ക്കുള്ളില് തന്നെ നടപടിക്രമങ്ങള് പൂര്ത്തിയാക്കാം.
വിശുദ്ധ റമദാന് മാസത്തില് ഉംറ തീര്ത്ഥാടകരുടെ എണ്ണത്തില് വലിയ വര്ധനവുണ്ടാകാറുണ്ട്. ഇത് പരിഗണിച്ച് എമിഗ്രേഷന് ഹാളുകളിലെ കാത്തിരിപ്പ് സമയം കുറയ്ക്കാനും യാത്രക്കാരുടെ നീക്കം സുഗമമാക്കാനും പുതിയ ഇ-ഗേറ്റ് സംവിധാനം സഹായിക്കും.
തീര്ത്ഥാടകര്ക്ക് നല്കുന്ന സേവനങ്ങളുടെ ഗുണനിലവാരം മെച്ചപ്പെടുത്തുന്നതിനും രാജ്യത്തെ പ്രധാന പ്രവേശന കവാടങ്ങളിലെ പ്രവര്ത്തനങ്ങള് കൂടുതല് കാര്യക്ഷമമാക്കുന്നതിനുമുള്ള ആഭ്യന്തര മന്ത്രാലയത്തിന്റെ വിപുലമായ പദ്ധതികളുടെ ഭാഗമായാണ് ഈ പരിഷ്കാരം നടപ്പിലാക്കുന്നത്.
Related News
