ജിദ്ദ: 2009 മുതല് ജിദ്ദയില് സജീവമായി പ്രവര്ത്തിക്കുന്ന 'ജിദ്ദ ആലുവ കൂട്ടായ്മ'യുടെ 2026-ലെ ഇഫ്താര് സംഗമം ഷറഫിയയിലെ ക്വാളിറ്റി റെസ്റ്റോറന്റ് ഓഡിറ്റോറിയത്തില് വെച്ച് നടന്നു. കൂട്ടായ്മയിലെ അംഗങ്ങളും ജിദ്ദയിലെ വിവിധ പ്രമുഖ സംഘടനകളുടെ പ്രതിനിധികളുമടക്കം നൂറോളം പേര് ചടങ്ങില് പങ്കെടുത്തു.
സൗദി കെ.എം.സി.സി നാഷണല് സെക്രട്ടറിയും ജിദ്ദയിലെ പ്രമുഖ സാംസ്കാരിക പ്രവര്ത്തകനുമായ നാസര് വെളിയംകോട് റമദാന് സന്ദേശം നല്കി. പ്രസിഡന്റ് അബ്ദുല് ഖാദര് ആലുവ അധ്യക്ഷത വഹിച്ച ചടങ്ങില് ജനറല് സെക്രട്ടറി അന്ഫല് ബഷീര് സ്വാഗതം ആശംസിച്ചു. രക്ഷാധികാരി ഡോ. സിയാവുദ്ദീന് റമദാന് ആശംസകള് നേര്ന്നു സംസാരിച്ചു. വൈസ് പ്രസിഡന്റ് ഫൈസല് അലിയാര് നന്ദി രേഖപ്പെടുത്തി.
ട്രഷറര് കലാം എടയാര്, കോഡിനേറ്റര്മാരായ അന്വര് തോട്ടുമുഖം, നൗഷാദ് അടുവാശ്ശേരി, വൈസ് പ്രസിഡന്റ് സുബൈര് മത്താശ്ശേരി എന്നിവര് പരിപാടികള് നിയന്ത്രിച്ചു. എക്സിക്യൂട്ടീവ് അംഗങ്ങളായ അന്സാര്, സഹീര് മാഞ്ഞാലി, ജമാല് വയല്ക്കര, ഹാഷിം മാടശ്ശേരി, അബ്ദുല് ഹക്കീം, അബ്ദുല് ജലീല്, ഷെജീര് പുറയാര്, വിനു, പി.ജെ, റാഫി ആലുവ, ഷനൂപ്, മുഹമ്മദ് ഫാസില്, അബ്ദുല് അസീസ് എടയപ്പുറം, അബ്ദുല് റഷീദ്, അജാസ് എം. സ്വാലിഹ് എന്നിവര് പരിപാടികള്ക്ക് നേതൃത്വം നല്കി.
Related News
