തിരൂരങ്ങാടി: കേന്ദ്ര സിവില് സര്വീസ് പരീക്ഷയില് ഉന്നത വിജയം കരസ്ഥമാക്കി മലപ്പുറത്തിന്റെ അഭിമാനമായി യുവ പണ്ഡിതന്. തിരൂരങ്ങാടി മൂന്നിയൂര് സലാമത്ത് നഗര് സ്വദേശി അശ്മില് ശാഹ് ഹുദവിയാണ് 382-ാം റാങ്ക് നേടി ഈ നേട്ടം കൈവരിച്ചത്. ദാറുല്ഹുദാ ഇസ്ലാമിക് യൂണിവേഴ്സിറ്റിയിലെ പഠനത്തിന് ശേഷം സിവില് സര്വീസ് ലക്ഷ്യമിട്ട അശ്മില് തന്റെ രണ്ടാം ശ്രമത്തിലാണ് ഈ കടമ്പ കടന്നത്.
ദാറുല്ഹുദാ ഇസ്ലാമിക് യൂണിവേഴ്സിറ്റിയില് നിന്ന് 2023-ല് ഒന്നാം റാങ്കോടെ ഹുദവി ബിരുദം നേടിയ അശ്മില്, കാലിക്കറ്റ് സര്വകലാശാലയില് നിന്ന് പൊളിറ്റിക്കല് സയന്സിലും ബിരുദം പൂര്ത്തിയാക്കിയിരുന്നു. നിലവില് ഡല്ഹി ജവഹര്ലാല് നെഹ്റു സര്വകലാശാലയിലെ (JNU) ബിരുദാനന്തര ബിരുദ വിദ്യാര്ത്ഥിയാണ്.
പഠനത്തിന്റെ ഭാഗമായി കുണിയ ഗ്രൂപ്പ് ഓഫ് ഇന്സ്റ്റിറ്റിയൂഷന്സിന് കീഴിലെ ഐ.എ.എസ് അക്കാദമിയില് നിന്ന് ഒരു വര്ഷത്തെ പരിശീലനം നേടിയിരുന്നു. മൂന്നിയൂര് സലാമത്ത് നഗര് സ്വദേശികളായ അബൂബക്കര് സിദ്ദീഖ് - ആയിഷ ദമ്പതികളുടെ മകനാണ് ഇരുപത്തിയഞ്ചുകാരനായ അശ്മില്. മത-ഭൗതിക വിദ്യാഭ്യാസ സമന്വയത്തിലൂടെ ഉന്നത വിജയം നേടിയ അശ്മിലിനെ ദാറുല്ഹുദാ അധികൃതരും നാട്ടുകാരും അഭിനന്ദിച്ചു.
Related News
