ജിദ്ദ: ആതുരസേവന രംഗത്തെ മികച്ച പ്രവര്ത്തനങ്ങളും ഹെല്ത്ത് കെയര് അഡ്മിനിസ്ട്രേഷനിലെ വൈദഗ്ധ്യവും പരിഗണിച്ച്, മലപ്പുറം കോടൂര് സ്വദേശിയും ഷിഫാ ജിദ്ദ മെഡിക്കല് ഗ്രൂപ്പ് മാനേജിങ് ഡയറക്ടറുമായ പി.എ. അബ്ദുറഹ്മാന് അമേരിക്കയിലെ ഇന്റര്നാഷണല് അമേരിക്കന് യൂണിവേഴ്സിറ്റി (ലോസ് ആഞ്ചലസ്, കാലിഫോര്ണിയ) ആദരസൂചകമായി ഡോക്ടറേറ്റ് നല്കി.
കഴിഞ്ഞ ദിവസം സാന്ഫ്രാന്സിസ്കോയില് നടന്ന ചടങ്ങില് വെച്ച് അദ്ദേഹം ബഹുമതി ഏറ്റുവാങ്ങി. ഹെല്ത്ത് കെയര് അഡ്മിനിസ്ട്രേഷനില് ദീര്ഘകാലത്തെ പരിചയസമ്പത്തുള്ള അബ്ദുറഹ്മാന്റെ സേവനങ്ങളെ ചടങ്ങില് പ്രശസ്ത സര്വകലാശാലാ അധികൃതര് പ്രശംസിച്ചു.
പ്രവാസലോകത്തെ ആരോഗ്യ സുരക്ഷാപ്രവര്ത്തനങ്ങള് കൂടുതല് കരുത്തോടെ മുന്നോട്ട് കൊണ്ടുപോകുന്നതിനുള്ള പ്രോത്സാഹനമാണ് ഈ അംഗീകാരമെന്ന് അദ്ദേഹം പ്രതികരിച്ചു. ലോകത്തിന്റെ വിവിധ ഭാഗങ്ങളില് നിന്നുള്ള പ്രമുഖരോടൊപ്പം ഡോക്ടറേറ്റ് ബഹുമതിയും 'സര്ട്ടിഫിക്കറ്റ് ഓഫ് എക്സലന്സ്' പുരസ്കാരവും അദ്ദേഹം ഏറ്റുവാങ്ങി.
