മനാമ: മേഖലയിലെ സംഘര്ഷങ്ങളെത്തുടര്ന്ന് ബഹ്റൈന് വ്യോമപാത താത്കാലികമായി അടച്ച സാഹചര്യത്തില് യാത്രക്കാര്ക്കായി പ്രത്യേക വിമാന സര്വീസ് പ്രഖ്യാപിച്ച് ഗള്ഫ് എയര്. സൗദി അറേബ്യയിലെ ദമ്മാം കിംഗ് ഫഹദ് അന്താരാഷ്ട്ര വിമാനത്താവളത്തെയും പാകിസ്ഥാനിലെ കറാച്ചി ജിന്ന അന്താരാഷ്ട്ര വിമാനത്താവളത്തെയും ബന്ധിപ്പിച്ചാണ് ഇന്ന് (മാര്ച്ച് 10) പ്രത്യേക സര്വീസ് നടത്തുന്നത്.
യാത്രക്കാര് ശ്രദ്ധിക്കേണ്ട കാര്യങ്ങള്:
പ്രത്യേക സര്വീസില് യാത്ര ചെയ്യാന് താല്പര്യമുള്ളവര് ഗള്ഫ് എയറിന്റെ ഔദ്യോഗിക ലിങ്ക് വഴി മുന്കൂട്ടി രജിസ്റ്റര് ചെയ്യേണ്ടതാണ്. ബഹ്റൈനിലേക്ക് പ്രവേശിക്കാനോ അവിടെ നിന്ന് പുറപ്പെടാനോ അനുമതിയുള്ള യാത്രക്കാര്ക്ക് മാത്രമായിരിക്കും ഈ സേവനം ലഭ്യമാകുക. ബുക്കിംഗ് കണ്ഫേം ആയ സന്ദേശം ലഭിച്ചവര്ക്ക് മാത്രമേ വിമാനത്താവളത്തിലേക്ക് പ്രവേശനം അനുവദിക്കൂ.
ബഹ്റൈന് സിവില് ഏവിയേഷന് അഫയേഴ്സ് വ്യോമപാത തുറക്കുന്ന മുറയ്ക്ക് മാത്രമേ ബഹ്റൈനിലേക്കും തിരിച്ചുമുള്ള സാധാരണ സര്വീസുകള് പുനരാരംഭിക്കുകയുള്ളൂവെന്ന് അധികൃതര് വ്യക്തമാക്കി.
യാത്രക്കാര് ഏറ്റവും പുതിയ വിവരങ്ങള്ക്കായി ഗള്ഫ് എയറിന്റെ ഔദ്യോഗിക വെബ്സൈറ്റോ (gulfair.com) മൊബൈല് ആപ്പോ പരിശോധിക്കണമെന്ന് അധികൃതര് അഭ്യര്ത്ഥിച്ചു.
Related News
