ടെഹ്റാന്- മിഡില് ഈസ്റ്റിലെ അമേരിക്കന് സൈനിക താവളങ്ങള് ആക്രമിക്കുന്നത് സ്വയം പ്രതിരോധത്തിന്റെ ഭാഗമാണെന്ന് ഇറാന് വിദേശകാര്യ മന്ത്രി അരാഗ്ചി പറഞ്ഞു. അമേരിക്കന് മണ്ണില് തങ്ങള്ക്ക് എത്താന് കഴിയില്ലെന്നും, അതിനാല് മേഖലയിലെ യുഎസ് ആസ്തികളെ ലക്ഷ്യം വെക്കുമെന്നും അദ്ദേഹം വ്യക്തമാക്കി.
ഇറാനെതിരെയുള്ള യുദ്ധത്തില് അമേരിക്കയ്ക്കും ഇസ്രായേലിനും വ്യക്തമായ ലക്ഷ്യങ്ങളില്ലെന്ന് അദ്ദേഹം പരിഹസിച്ചു. അവരുടെ എല്ലാ പദ്ധതികളും പരാജയപ്പെട്ടുവെന്നും ലക്ഷ്യമില്ലാത്ത ആക്രമണങ്ങളാണ് ഇപ്പോള് നടത്തുന്നതെന്നും അദ്ദേഹം കൂട്ടിച്ചേര്ത്തു.
അതിനിടെ തെക്കന് ലെബനനിലെ പ്രധാന നഗരങ്ങളായ ടയര്, സിദോന് എന്നിവിടങ്ങളില് ഉടന് ആക്രമണം നടത്തുമെന്ന് ഇസ്രായേല് മുന്നറിയിപ്പ് നല്കി. ഹിസ്ബുള്ള കേന്ദ്രങ്ങളെയാണ് ലക്ഷ്യം വെക്കുന്നതെന്നും ജനങ്ങള് 300 മീറ്റര് ദൂരത്തേക്ക് മാറിതാമസിക്കണമെന്നും ഇസ്രായേല് വക്താവ് അറിയിച്ചു.
Related News
