ദമ്മാം: പതിവ് തെറ്റിക്കാതെ റമദാനിന്റെ പുണ്യം പകര്ന്നുവനല്കാന് ഭക്ഷണപ്പൊതികളുമായി സൗദി ആലപ്പുഴ വെല്ഫയര് അസോസിയേഷന് (സവ) പ്രവര്ത്തകര് മരുഭൂമിയിലെത്തി. ദമ്മാമില് നിന്ന് ഏറെ അകലെ ആട്, ഒട്ടക ഫാമുകള് സ്ഥിതിചെയ്യുന്ന മരുഭൂമിയിലേക്കാണ് സ്ത്രീകളും കുട്ടികളും ഉള്പ്പെടെയുള്ള സംഘമെത്തിയത്.
മലബാര് ഗോള്ഡുമായി സഹകരിച്ച് തുടര്ച്ചയായ നാലാം വര്ഷമാണ് 'സവ' ആട്ടിടയന്മാര്ക്കുള്ള ഭക്ഷണമെത്തിക്കുന്നത്. നൂറോളം ഭക്ഷണപ്പൊതികളുമായാണ് സംഘം പുറപ്പെട്ടത്. വിവിധ ഗ്രൂപ്പുകളായി തിരിഞ്ഞ് സൂര്യാസ്തമയത്തിന് മുന്പ് തന്നെ വിതരണം പൂര്ത്തിയാക്കി. തങ്ങളെ തേടിയെത്തിയ സംഘത്തിന് ഒട്ടകപ്പാല് നല്കിയും പ്രാര്ത്ഥനകള് ചൊല്ലിയുമാണ് മിക്കവരും സ്വീകരിച്ചത്. ഒട്ടക ഫാം നടത്തുന്ന സൗദി പൗരന് സവ പ്രവര്ത്തകര്ക്ക് നോമ്പുതുറക്കാനുള്ള സൗകര്യവും ഒരുക്കിയിരുന്നു.
ദമ്മാമിലെ അല്വാഹ ഗ്രൗണ്ടില് വെച്ച് മുഖ്യ രക്ഷാധികാരി കെ.എം. ബഷീര് യാത്ര ഉദ്ഘാടനം ചെയ്തു. മറ്റുള്ളവരെ അറിയുകയും ചേര്ത്തുനിര്ത്തുകയും സഹായമെത്തിക്കുകയും ചെയ്യുക എന്നത് റമദാനിലെ ഏറ്റവും നിറവാര്ന്ന പുണ്യമാണെന്ന് അദ്ദേഹം പറഞ്ഞു. ഈ വര്ഷവും ഈ കാരുണ്യപ്രവൃത്തിക്കായി മുന്നിട്ടിറങ്ങിയ പ്രവര്ത്തകരെ അദ്ദേഹം അഭിനന്ദിച്ചു.
പ്രസിഡന്റ് സാജിദ് ആറാട്ടുപുഴ ആമുഖ പ്രഭാഷണം നിര്വ്വഹിച്ചു. രക്ഷാധികാരി നിറാസ് യൂസുഫ്, വനിതാ ചെയര്പേഴ്സണ് രശ്മി ശിവപ്രകാശ്, വനിതാ വേദി പ്രസിഡന്റ് നസ്സി നൗഷാദ്, സെക്രട്ടറി സാജിതാ നൗഷാദ്, അമൃത ശ്രീലാല്, അഞ്ജു നിറാസ്, റിജു ഇസ്മായില്, ഷീബ, നൗഷാദ് ആറാട്ടുപുഴ, സിറാജ് കരുമാടി, ജോഷി ബാഷ, മാഹീന്, ശ്രീലാല് എന്നിവര് പരിപാടിക്ക് നേതൃത്വം നല്കി.
Related News
