തിരുവനന്തപുരം: കേരളം വിധിയെഴുതാന്‍ ഇനി വെറും 24 ദിവസങ്ങള്‍ മാത്രം. ഏപ്രില്‍ ഒന്‍പതിനാണ് കേരളത്തിലെ നിയമസഭ തിരഞ്ഞെടുപ്പ്. വോട്ടെണ്ണല്‍ മേയ് നാലിനും.

ഏപ്രില്‍ അവസാനവാരമായിരിക്കും കേരളത്തില്‍ വോട്ടെടുപ്പ് നടക്കുകയെന്നാണ് രാഷ്ട്രീയപാര്‍ട്ടികളും പ്രവര്‍ത്തകരും കരുതിയിരുന്നത്. തുടര്‍ന്ന് ഒരാഴ്ചയ്ക്കുള്ളില്‍ ഫലപ്രഖ്യാപനമുണ്ടാകുമെന്നും കരുതി. എന്നാല്‍, ഏവരെയും ഞെട്ടിച്ച്, ഏറെ നേരത്തെയാണ് കേരളത്തിലെ തിരഞ്ഞെടുപ്പ് തീയതി തിരഞ്ഞെടുപ്പ് കമ്മീഷന്‍ പ്രഖ്യാപിച്ചത്. ഇതോടെ ചുരുങ്ങിയ ദിവസങ്ങള്‍ക്കുള്ളില്‍ തന്നെ രാഷ്ട്രീയപാര്‍ട്ടികള്‍ പ്രചാരണരംഗത്ത് സജീവമാകേണ്ട നിലയാണുള്ളത്.ഏപ്രില്‍ ഒന്‍പതിനാണ് കേരളത്തിലെ വോട്ടെടുപ്പ്.


തിരഞ്ഞെടുപ്പ് പ്രധാന തീയതികള്‍

പത്രിക സമര്‍പ്പിക്കാനുള്ള അവസാന തീയതി- മാര്‍ച്ച് 23

സൂക്ഷ്മ പരിശോധന- മാര്‍ച്ച് 24

പത്രിക പിന്‍വലിക്കാനുള്ള തീയതി- മാര്‍ച്ച് 26

വോട്ടെടുപ്പ്- ഏപ്രില്‍ 09

വോട്ടെണ്ണല്‍- മേയ് 04