ടെഹ്റാന്: പശ്ചിമേഷ്യയില് യുദ്ധം അതീവ ഗുരുതരമായ ഘട്ടത്തിലേക്ക്. ഇറാന് സുരക്ഷാ കൗണ്സില് മേധാവി അലി ലാരിജാനി ഇസ്രായേല് ആക്രമണത്തില് കൊല്ലപ്പെട്ടതായി ഇസ്രായേല് പ്രതിരോധ മന്ത്രി ഇസ്രായേല് കാറ്റ്സ് അവകാശപ്പെട്ടു. ഇതോടൊപ്പം ഇറാന്റെ പാരാമിലിറ്ററി വിഭാഗമായ ബാസിജ് ഫോഴ്സ് കമാന്ഡര് ഗുലാംറേസ സുലൈമാനിയും കൊല്ലപ്പെട്ടതായി ഇസ്രായേല് സൈന്യം സ്ഥിരീകരിച്ചു. കഴിഞ്ഞ രാത്രി നടത്തിയ വ്യോമാക്രമണത്തിലാണ് ഇവര് കൊല്ലപ്പെട്ടതെന്നാണ് അവകാശവാദം. എന്നാല് ഇറാന് ഔദ്യോഗികമായി ഇതിനോട് പ്രതികരിച്ചിട്ടില്ല.
ഇറാന് തലസ്ഥാനമായ ടെഹ്റാനില് ഇസ്രായേല് പുതിയ ആക്രമണങ്ങള് ആരംഭിച്ചു. ഗവണ്മെന്റ് സംവിധാനങ്ങളെയും സൈനിക കേന്ദ്രങ്ങളെയുമാണ് ഇസ്രായേല് ലക്ഷ്യം വയ്ക്കുന്നത്.
ലബനന് തലസ്ഥാനമായ ബെയ്റൂട്ടിലെ മൂന്ന് പ്രധാന മേഖലകളില് ഇസ്രായേല് ശക്തമായ വ്യോമാക്രമണം നടത്തി. ഹിസ്ബുള്ള കേന്ദ്രങ്ങളെ ലക്ഷ്യമിട്ടായിരുന്നു ഈ നീക്കം.
ഖത്തറില് ജാഗ്രതാ നിര്ദ്ദേശം
മേഖലയിലെ സംഘര്ഷം കണക്കിലെടുത്ത് ഖത്തറില് സുരക്ഷാ ഭീഷണി നിലനില്ക്കുന്നതായി അധികൃതര് അറിയിച്ചു. ജനങ്ങള് വീടുകളില് തന്നെ തുടരണമെന്നും സുരക്ഷിത സ്ഥാനങ്ങളില് ഇരിക്കണമെന്നും നിര്ദ്ദേശം നല്കിയിട്ടുണ്ട്.
Related News
