ജിദ്ദ: നിയമസഭാ തിരഞ്ഞെടുപ്പില്‍ കൂത്തുപറമ്പ് നിയോജക മണ്ഡലത്തില്‍ യു.ഡി.എഫ് സ്ഥാനാര്‍ത്ഥിയായി മത്സരിക്കുന്ന മുസ്ലിം ലീഗ് പ്രതിനിധി ജയന്തി രാജന് കെട്ടിവെക്കാനുള്ള തുക ജിദ്ദ വയനാട് ജില്ലാ കെ.എം.സി.സി കമ്മിറ്റി കൈമാറി. പാണക്കാട് നടന്ന ചടങ്ങില്‍ സയ്യിദ് സാദിഖലി ശിഹാബ് തങ്ങള്‍ക്ക് ജിദ്ദ വയനാട് ജില്ലാ കെ.എം.സി.സി ജനറല്‍ സെക്രട്ടറി ശിഹാബ് തോട്ടോളി തുക കൈമാറി.

ചടങ്ങില്‍ സ്ഥാനാര്‍ത്ഥി ജയന്തി രാജന്‍, ബത്തേരി മണ്ഡലം മുസ്ലിം ലീഗ് നേതാക്കളായ സി.കെ. മുസ്തഫ, അസീസ് വേങ്ങൂര്‍, റിയാസ് കല്ലുവയല്‍, നിസാം കല്ലൂര്‍, മുഹമ്മദ് ബഷീര്‍, ഒ.കെ. ലാലു, ശിഹാബ്, ഉമ്മര്‍ തുടങ്ങിയവര്‍ സംബന്ധിച്ചു.