ദമ്മാം: നോമ്പ് തുറന്നതിന് പിന്നാലെ കുഴഞ്ഞുവീണ് ചികിത്സയിലായിരുന്ന കോഴിക്കോട് താമരശ്ശേരി പുതുപ്പാടി സ്വദേശി ഷംസു രായിന്കുട്ടി (43) ദമ്മാമില് നിര്യാതനായി മൃതദേഹം ഇന്ന് വൈകീട്ട് അല് കോബാര് ഇസ്ക്കാന് പള്ളി ഖബര്സ്ഥാനില് ഖബറടക്കും.
ചൊവ്വാഴ്ച വൈകീട്ട് നോമ്പ് തുറ കഴിഞ്ഞയുടന് ഷംസു കുഴഞ്ഞുവീഴുകയായിരുന്നു. ഉടന്തന്നെ റെഡ് ക്രസന്റ് പ്രവര്ത്തകര് ആശുപത്രിയില് എത്തിച്ചെങ്കിലും ബുധനാഴ്ച ഉച്ചയോടെ മരണം സംഭവിക്കുകയായിരുന്നു. ജോലി മാറുന്നതിനായി ഏതാനും മാസങ്ങള്ക്കു മുന്പാണ് ഇദ്ദേഹം അറാറില് നിന്നും എത്തിയത്.
സാമൂഹിക പ്രവര്ത്തകനും ലോക കേരള സഭാ അംഗവുമായ നാസ് വക്കത്തിന്റെ നേതൃത്വത്തില് ഖബറടക്കത്തിനുള്ള നിയമനടപടികള് അതിവേഗം പൂര്ത്തിയാക്കി.
ഷമിതയാണ് ഭാര്യ. മക്കള്: ഷമിന് ഷംസു, മുഹമ്മദ് ഷബിന്, ഷമാസ്.
Related News
