അബുദാബി: പശ്ചിമേഷ്യന് സംഘര്ഷവുമായി ബന്ധപ്പെട്ട് സമൂഹമാധ്യമങ്ങളിലൂടെ തെറ്റായ വിവരങ്ങളും ദൃശ്യങ്ങളും പ്രചരിപ്പിച്ച 109 പേരെ അബുദാബി പോലീസ് അറസ്റ്റ് ചെയ്തു. സുരക്ഷാ പ്രാധാന്യമുള്ള ഇടങ്ങളുടെ ദൃശ്യങ്ങള് പകര്ത്തിയതിനും വസ്തുതാവിരുദ്ധമായ കാര്യങ്ങള് പ്രചരിപ്പിച്ചതിനുമാണ് നടപടി. വിവിധ രാജ്യക്കാരാണ് പിടിയിലായതെന്ന് പോലീസ് അറിയിച്ചു.
ഇറാന് നടത്തിയ ആക്രമണങ്ങളുടെ പശ്ചാത്തലത്തില്, സുരക്ഷാ കേന്ദ്രങ്ങളുടെ ദൃശ്യങ്ങള് പകര്ത്തുന്നതിനും അവ പങ്കുവെക്കുന്നതിനും ഗള്ഫ് രാജ്യങ്ങള് കര്ശന നിയന്ത്രണം ഏര്പ്പെടുത്തിയിട്ടുണ്ട്. നിലവിലെ സാഹചര്യങ്ങളെക്കുറിച്ച് തെറ്റിദ്ധാരണാജനകമായ വിവരങ്ങള് പ്രചരിപ്പിക്കുന്നത് കുറ്റകരമാണെന്നും പോലീസ് എക്സിലൂടെ പുറത്തുവിട്ട പ്രസ്താവനയില് വ്യക്തമാക്കി.
സുരക്ഷാ നിയമങ്ങള് ലംഘിക്കുന്നവര്ക്കെതിരെ കര്ശന നടപടി തുടരുമെന്നും ഔദ്യോഗിക സ്രോതസ്സുകളില് നിന്നുള്ള വിവരങ്ങള് മാത്രം വിശ്വസിക്കണമെന്നും അധികൃതര് പൊതുജനങ്ങള്ക്ക് നിര്ദ്ദേശം നല്കി.
Related News
