ജിദ്ദ: പശ്ചിമേഷ്യന് സംഘര്ഷങ്ങളില് ആശങ്കയുണ്ടെങ്കിലും, കേരളത്തിലെ നിയമസഭാ തെരഞ്ഞെടുപ്പില് തങ്ങളുടെ സ്ഥാനാര്ത്ഥികളുടെ വിജയത്തിനായുള്ള സജീവമായ പ്രചാരണത്തിലാണ് പ്രവാസി സംഘടനകള്. വേങ്ങര മണ്ഡലം യു.ഡി.എഫ് സ്ഥാനാര്ത്ഥി കെ.എം. ഷാജിയുടെ വിജയത്തിനായി ജിദ്ദ വേങ്ങര മണ്ഡലം കെ.എം.സി.സിയുടെ നേതൃത്വത്തില് പ്രചാരണ ക്യാമ്പയിന് സംഘടിപ്പിച്ചു.
മണ്ഡലം കെ.എം.സി.സി ആക്ടിംഗ് പ്രസിഡന്റ് സമദ് ചോലക്കലിന്റെ അധ്യക്ഷതയില് ചേര്ന്ന യോഗം മലപ്പുറം ജില്ലാ കെ.എം.സി.സി ജനറല് സെക്രട്ടറി നാണി ഇസ്ഹാഖ് മാസ്റ്റര് ഉദ്ഘാടനം ചെയ്തു. ഒ.ഐ.സി.സി - കെ.എം.സി.സി നേതാക്കള് പങ്കെടുത്ത പരിപാടിയില് ബാവ വേങ്ങര മുഖ്യപ്രഭാഷണം നടത്തി.
മജീദ് ചേറൂര്, മജീദ് കോട്ടേരി, ഹംസ എ.കെ, അലി ഊരകം, അഹമ്മദ് കരുവാടന്, നജീബ് പി, സിദ്ദിഖ് പുള്ളാട്ട്, ശിഹാബ് പാറക്കാട്ട്, മുസഫര് എ.ആര് നഗര്, ജംഷി വി.എസ്, ഇബ്രാഹിം പറപ്പൂര്, ജാഫര് ചങ്ങാനി, നുഫൈല് പി.പി, ഫഹദ് കോയിസന്, കുഞ്ഞായിന് തുടങ്ങിയവര് പ്രസംഗിച്ചു.
പ്രചാരണ പ്രവര്ത്തനങ്ങള്ക്ക് നേതൃത്വം നല്കുന്നതിനായി വിപുലമായ കമ്മിറ്റി രൂപീകരിച്ചു. ഒ.ഐ.സി.സി മണ്ഡലം പ്രസിഡന്റ് മജീദ് ചേറൂര് ചെയര്മാനായും, കെ.എം.സി.സി മണ്ഡലം ജനറല് സെക്രട്ടറി നാസര് മമ്പുറം കണ്വീനറായും തെരഞ്ഞെടുക്കപ്പെട്ടു. ആക്ടിംഗ് സെക്രട്ടറി ലത്തീഫ് കൊന്നോല സ്വാഗതവും ഓര്ഗനൈസിംഗ് സെക്രട്ടറി സലാഹുദ്ദീന് വാളക്കുട നന്ദിയും പറഞ്ഞു.
Related News
