ജിദ്ദ: കേരളത്തില് നടക്കാനിരിക്കുന്ന നിയമസഭാ തെരഞ്ഞെടുപ്പിനോടനുബന്ധിച്ച് പ്രവാസലോകത്തും പ്രചാരണ പ്രവര്ത്തനങ്ങളുമായി സംഘടനകള് സജീവമാകുന്നു. ജിദ്ദയിലെ ഒ.ഐ.സി.സി മലപ്പുറം ജില്ലാ കമ്മിറ്റിയുടെ നേതൃത്വത്തില് വിവിധ പ്രചാരണ പരിപാടികള് പുരോഗമിക്കുകയാണ്.
ഷറഫിയ ഒ.ഐ.സി.സി മലപ്പുറം ജില്ലാ കമ്മിറ്റി ഓഫീസില് ചേര്ന്ന നിയമസഭാ തെരഞ്ഞെടുപ്പ് കണ്വെന്ഷനില് ഒ.ഐ.സി.സി നാഷണല്, റീജിയണല്, ജില്ലാ കമ്മിറ്റി ഭാരവാഹികളും പ്രവര്ത്തകരും പങ്കെടുത്തു. കേരളത്തില് യു.ഡി.എഫ് ഭരണത്തിലേക്ക് ശക്തമായി തിരിച്ചുവരുമെന്നും എല്.ഡി.എഫ് സര്ക്കാരിന്റെ ജനദ്രോഹ നയങ്ങള്ക്ക് കേരള ജനത അന്ത്യം കുറിക്കുമെന്നും യോഗം വിലയിരുത്തി. പ്രവാസികളോട് കടുത്ത അവഗണന കാട്ടിയ പിണറായി സര്ക്കാരിനെതിരെയുള്ള രോഷം ഈ തെരഞ്ഞെടുപ്പില് പ്രതിഫലിക്കുമെന്നും യോഗം അഭിപ്രായപ്പെട്ടു.
ഒ.ഐ.സി.സി മലപ്പുറം ജില്ലാ കമ്മിറ്റി പ്രസിഡന്റ് ഇന് ചാര്ജ് അസീസ് ലാക്കലിന്റെ അധ്യക്ഷതയില് നടന്ന പരിപാടിയില് യാസര് നായിഫ്, സൈഫു വാഴയില്, അഷ്റഫ് അഞ്ചാലന്, ഫൈസല് മക്കരപ്പറമ്പ്, സി.ടി.പി. ഇസ്മയില്, ഇ.പി. മുഹമ്മദലി മക്കരപ്പറമ്പ്, നവാസ് ഏലംകുളം, ജലീല് മടമ്പ്ര, ഗഫൂര് വണ്ടൂര്, സിദ്ദിഖ് പുല്ലങ്കോട്, സി.പി. മുജീബ് നാണി കാളികാവ് എന്നിവര് സംസാരിച്ചു. ഇസ്മായില് കൂരിപ്പൊയില് സ്വാഗതവും കമാല് കളപ്പാടന് നന്ദിയും പറഞ്ഞു.
യു.എം. ഹുസൈന് മലപ്പുറം, സതീഷ് ബാബു മേല്മുറി, ഷംസു മേലാറ്റൂര്, റഷീദ് ശംസാന്, ഉസ്മാന് മേലാറ്റൂര്, സാജു റിയാസ്, അനസ് തുവ്വൂര്, നാസര് നീലഞ്ചേരി, പറമ്പില് ബാബു, ഫസലു വെള്ളുവമ്പലി എന്നിവര് പരിപാടികള്ക്ക് നേതൃത്വം നല്കി.
Related News
