ജിദ്ദ: ജിദ്ദ കണ്ണൂര് സൗഹൃദവേദിയുടെ 2026 വര്ഷത്തേക്കുള്ള പുതിയ ഭരണസമിതി നിലവില് വന്നു. കഴിഞ്ഞ റമദാന് ഇഫ്താറിനോടനുബന്ധിച്ച് ചേര്ന്ന ജനറല് ബോഡി യോഗം തിരഞ്ഞെടുത്ത നിര്വാഹക സമിതി അംഗങ്ങളുടെ യോഗത്തിലാണ് പുതിയ ഭാരവാഹികളെ നിശ്ചയിച്ചത്.
രക്ഷാധികാരി സമിതി അംഗങ്ങളായി രാധാകൃഷ്ണന് കാവുമ്പായി, അബ്ദുള്ള മുക്കണ്ണി, അനില് ചക്കരക്കല്ല് എന്നിവരെയും, പ്രസിഡന്റായി ഷറഫുദ്ദീന് പെരിങ്ങാടി, ജനറല് സെക്രട്ടറിയായി സുനില് രാഘവന്, ട്രഷററായി സന്തോഷ് ഭരതന് എന്നിവരെയും തെരഞ്ഞെടുത്തു. വൈസ് പ്രസിഡന്റുമാരായി ഇബ്രാഹിം തളിപ്പറമ്പ, ഷമീര് വി.പി., ജോയിന്റ് സെക്രട്ടറിമാരായി ഉവൈസ് ഇബ്രാഹിം, ബിജുരാജ്, സിദ്ദീഖ് കത്തിച്ചാല് എന്നിവരും ചുമതലയേറ്റു.
വിമാനയാത്രാ നിരക്ക് വര്ധിപ്പിച്ച് പ്രവാസികളെ ചൂഷണം ചെയ്യുന്ന വിമാനക്കമ്പനികള്ക്കെതിരെയും, കണ്ണൂര് വിമാനത്താവളത്തിലേക്ക് കൂടുതല് വിദേശ വിമാനക്കമ്പനികള്ക്ക് സര്വീസ് നടത്താന് അനുമതി നിഷേധിക്കുന്നതിനെതിരെയും യോഗം പ്രമേയത്തിലൂടെ പ്രതിഷേധം രേഖപ്പെടുത്തി.
റമദാനില് സംഘടിപ്പിച്ച ക്വിസ് മത്സരത്തിലെ വിജയികളായ മഹ്റൂഫ്, രജിത്ത്, പ്രജിത്ത്, സിയാദ്, മുനീര്, ഹാദി സഈദ്, മുഹമ്മദ് ഷബീര്, ബഷീര്, അബ്ദുള്ള, സാദിക്ക് എന്നിവരെ യോഗം അഭിനന്ദിച്ചു. മത്സരത്തിലെ മെഗാ സമ്മാനം മുനീര് കരസ്ഥമാക്കി.
നിലവിലെ ജനറല് സെക്രട്ടറി പ്രഭാകരന് ഇ.പി. സ്വാഗതം പറഞ്ഞു. പ്രസിഡന്റ് മുഹമ്മദ് വി.പി. അധ്യക്ഷത വഹിച്ചു. പുതിയ പ്രസിഡന്റായി തിരഞ്ഞെടുക്കപ്പെട്ട ഷറഫുദ്ദീന് പെരിങ്ങാടി നന്ദി പറഞ്ഞു.
Related News
