റിയാദ്: പ്രവാസ ലോകത്തും രാഷ്ട്രീയ ചൂട് ഉയര്ത്തിക്കൊണ്ട് 2026ലെ കേരള നിയമസഭാ തിരഞ്ഞെടുപ്പിനെ ലക്ഷ്യമാക്കി യുഡിഎഫ് മുന്നണി മാനിഫെസ്റ്റോ റിയാദില് പ്രകാശനം ചെയ്തു. ''പുതുയുഗ കേരളം'' എന്ന ദൂരദര്ശനപരമായ ആശയം മുന്നിര്ത്തിയുള്ള മാനിഫെസ്റ്റോയാണ് പ്രവാസികളുടെ സാന്നിധ്യത്തില് അവതരിപ്പിച്ചത്.
റിയാദ് ബത്ഹയിലെ സബര്മതി വേദിയില് നടന്ന മഞ്ചേരി യുഡിഎഫ് കണ്വെന്ഷനിലാണ് ചടങ്ങ് നടന്നത്. ഒഐസിസി സെന്ട്രല് കമ്മിറ്റി വൈസ് പ്രസിഡന്റ് അമീര് പട്ടണത്ത് മാനിഫെസ്റ്റോ കെഎംസിസി മലപ്പുറം ജില്ലാ കമ്മിറ്റി ജനറല് സെക്രട്ടറി സഫീര് തിരൂരിന് കൈമാറി. പ്രവാസികളുടെ പ്രശ്നങ്ങള്ക്കും കേരളത്തിന്റെ സമഗ്ര വികസനത്തിനുമുള്ള പരിഹാര മാര്ഗങ്ങള് ഉള്ക്കൊള്ളുന്നതാണ് മാനിഫെസ്റ്റോയെന്ന് നേതാക്കള് വ്യക്തമാക്കി.
ചടങ്ങില് പങ്കെടുത്ത യുഡിഎഫ് നേതാക്കള് നിലവിലെ ഭരണത്തിനെതിരെ ശക്തമായ വിമര്ശനങ്ങളും ഉയര്ത്തി. പ്രവാസി സമൂഹത്തെ അവഗണിച്ച ഭരണ സമീപനങ്ങള്ക്കെതിരെ പ്രതിഷേധവും, ഭാവിയില് പ്രവാസികള്ക്ക് കൂടുതല് പരിഗണന നല്കുന്ന ഭരണമാണ് യുഡിഎഫ് ലക്ഷ്യമിടുന്നതെന്നും അവര് പറഞ്ഞു.
യോഗത്തില് യുഡിഎഫ് നേതാക്കളായ മുഹമ്മദ് അലി എടപ്പറ്റ, അക്ബര് ബാദുഷ, നാസര് പാതിരിക്കോട്, സൈനുദ്ദീന് വെട്ടത്തൂര്, സലാം താമരശ്ശേരി, അഷ്റഫ് മേച്ചേരി, ഷാഫി വെട്ടിക്കാട്ടിരി, മുത്തു പാണ്ടിക്കാട്, ജാഫര് വീമ്പൂര്, അബൂബക്കര് മഞ്ചേരി, മുജീബ് പൂന്താനം, ഇല്യാസ് വളരാട്, നാസര് സി.എം, ബഷീര് കോട്ടക്കല്, ജംഷി കാരകുന്ന്, ഖാലിദ് വെള്ളുവങ്ങാട്, ഹംസ വളരാട്, സലാം കെ.പി, സിയാദ്, ആബിദ്, ശിഹാബ് കീഴാറ്റൂര്, ഫൈസല് പട്ടിക്കാട്, അന്വര് കെ.ടി, ഷംസീര് പാലക്കാട് തുടങ്ങിയവര് പങ്കെടുത്തു.
പ്രവാസി മലയാളികളുടെ വലിയ സാന്നിധ്യവും ആവേശവും നിറഞ്ഞ ചടങ്ങ് യുഡിഎഫ് പ്രവര്ത്തകരില് പുതിയ ആത്മവിശ്വാസം പകരുന്നതായി വിലയിരുത്തപ്പെട്ടു. 2026 തിരഞ്ഞെടുപ്പില് മാറ്റത്തിനായുള്ള ശക്തമായ സന്ദേശമാണ് ഈ മാനിഫെസ്റ്റോ പ്രകാശനം നല്കുന്നതെന്ന് നേതാക്കള് അഭിപ്രായപ്പെട്ടു.
Related News
