മദീന: 2026 ഏപ്രില് 9-ന് നടക്കുന്ന കേരള നിയമസഭാ തിരഞ്ഞെടുപ്പിന്റെ ആവേശം പ്രവാസലോകത്തേക്കും. യുഡിഎഫ് പുറത്തിറക്കിയ പ്രകടനപത്രിക മദീനയിലെ മലയാളി സമൂഹത്തിനിടയില് എത്തിക്കുന്നതിനായി വിപുലമായ പ്രചാരണ പരിപാടികള് ആരംഭിച്ചു.
പ്രകടനപത്രികയിലെ പ്രധാന വാഗ്ദാനമായ 'ഇന്ദിര ഗ്യാരണ്ടി' ഓരോ പ്രവാസി കുടുംബത്തിലും എത്തിക്കുക എന്നതാണ് ഈ കാമ്പയിന്റെ ലക്ഷ്യം. ഒഐസിസി ജിദ്ദ വെസ്റ്റേണ് റീജിയണല് കമ്മിറ്റി സെക്രട്ടറി മുജീബ് ചെനാത്തിന്റെ നേതൃത്വത്തില് മദീന ഒഐസിസി പ്രവര്ത്തകരായ റാഫി മാനന്തവാടി, ബാബു മേലാറ്റൂര്, സുനിത പാലാ, റാണി കൊല്ലം എന്നിവര് ചേര്ന്നാണ് തിരഞ്ഞെടുപ്പ് പ്രചാരണത്തിന് നേതൃത്വം നല്കുന്നത്. വരും ദിവസങ്ങളിലും കാമ്പയിന് ശക്തമായി തുടരുമെന്ന് ഭാരവാഹികള് അറിയിച്ചു.
കഴിഞ്ഞ പത്ത് വര്ഷമായി പ്രവാസികളെ വഞ്ചിച്ച സര്ക്കാരിനെതിരെ ശക്തമായ ജനരോഷമുണ്ടെന്നും, പ്രവാസികളുടെ പുനരധിവാസവും ക്ഷേമവും ഉറപ്പാക്കാന് യുഡിഎഫ് മുന്നോട്ടുവെച്ച പദ്ധതികള് സ്വാഗതാര്ഹമാണെന്നും പ്രവര്ത്തകര് അഭിപ്രായപ്പെട്ടു.
Related News
