ജിദ്ദ: വരാനിരിക്കുന്ന കേരള നിയമസഭാ തിരഞ്ഞെടുപ്പില് ജനങ്ങളെ പൊറുതിമുട്ടിച്ച ഇടതുപക്ഷ സര്ക്കാരിനെ അധികാരത്തില് നിന്ന് താഴെയിറക്കാന് എല്ലാ ജനാധിപത്യ വിശ്വാസികളും ഒന്നിക്കണമെന്ന് ജിദ്ദയില് ചേര്ന്ന താനൂര് മണ്ഡലം കെഎംസിസി കണ്വെന്ഷന് ആഹ്വാനം ചെയ്തു. യുഡിഎഫ് മുന്നണിയെ അധികാരത്തിലേറ്റാന് പ്രവാസലോകത്തുനിന്ന് ശക്തമായ പിന്തുണ നല്കണമെന്നും കണ്വെന്ഷന് ആവശ്യപ്പെട്ടു.
മണ്ഡലം പ്രസിഡന്റ് അബ്ദുല് ഫത്താഹ് താനൂരിന്റെ അധ്യക്ഷതയില് ചേര്ന്ന കണ്വെന്ഷന് ജിദ്ദ കെഎംസിസി സെന്ട്രല് കമ്മിറ്റി ജനറല് സെക്രട്ടറി വി.പി. മുസ്തഫ ഉദ്ഘാടനം ചെയ്തു. സെന്ട്രല് കമ്മിറ്റി സെക്രട്ടറി ഇസ്ഹാഖ് പൂണ്ടോളി മുഖ്യപ്രഭാഷണം നടത്തി. താനൂര് മണ്ഡലം യുഡിഎഫ് സ്ഥാനാര്ത്ഥി പി.കെ. നവാസ് ഓണ്ലൈനിലൂടെ സദസ്സിനെ അഭിസംബോധന ചെയ്തു സംസാരിച്ചു.
നാഷണല് കമ്മിറ്റി സെക്രട്ടറി നാസര് വെളിയംകോട്, സെന്ട്രല് കമ്മിറ്റി ഭാരവാഹികളായ എ.കെ. ബാവ, ജലാല് തേഞ്ഞിപ്പലം, മലപ്പുറം ജില്ലാ പ്രസിഡന്റ് ഇസ്മായില് മുണ്ടംപറമ്പ്, ജനറല് സെക്രട്ടറി നാണി ഇസ്ഹാഖ്, ട്രഷറര് ഇല്ല്യാസ് കല്ലിങ്ങല്, നൗഫല് ഉള്ളാടന്, കോഴിക്കോട് ജില്ലാ സെക്രട്ടറി ബഷീര് കീഴില്ലത്ത് എന്നിവര് സംസാരിച്ചു.
സി.എം. മര്സൂക്ക് ഖിറാഅത്ത് നടത്തി. മണ്ഡലം ജനറല് സെക്രട്ടറി സാദിഖ് ചിറയില് സ്വാഗതവും ട്രഷറര് മുജീബ് തൊട്ടിയില് നന്ദിയും പറഞ്ഞു. മുസ്തഫ തലക്കടത്തൂര്, ആബിദ് മാടമ്പാട്ട്, നംഷീദ് താനൂര്, മന്സൂര് അയ്യായ, പി.ടി. ഇസ്മായില് എന്നിവര് പരിപാടിക്ക് നേതൃത്വം നല്കി.
