ദമ്മാം- കിഴക്കന് പ്രവിശ്യയില് സായുധ കവര്ച്ചാ സംഘമുണ്ടാക്കി കൊലപാതകം നടത്തിയ രണ്ട് പ്രതികളുടെ വധശിക്ഷ ശനിയാഴ്ച നടപ്പാക്കിയതായി ആഭ്യന്തര മന്ത്രാലയം അറിയിച്ചു. സൗദി പൗരനായ സായിദ് ബിന് അലി ബിന് ഹമദ് അല്-മറിയും കുവൈറ്റ് പൗരനായ അഹമ്മദ് ജബാറ ഖുറൈഷ് മുഹമ്മദ് അല്-മറിയുമാണ് ശിക്ഷിക്കപ്പെട്ടത്. തോക്കുകള് ഉപയോഗിച്ച് ഭീഷണിപ്പെടുത്തി കവര്ച്ച നടത്തുന്ന സംഘം രൂപീകരിച്ച ഇവര്, കവര്ച്ചക്കിടെ പാകിസ്ഥാന് പൗരനായ സയീദ് കരീം മുഹമ്മദ് റസീനെ വെടിവെച്ച് കൊന്നതായും മന്ത്രാലയം വ്യക്തമാക്കി.
സുരക്ഷാ ഉദ്യോഗസ്ഥര് നടത്തിയ അന്വേഷണത്തിനൊടുവില് പിടിയിലായ പ്രതികള്ക്കെതിരെ വ്യക്തമായ തെളിവുകള് ലഭിച്ചതിനെ തുടര്ന്ന് കേസ് കോടതിയില് സമര്പ്പിച്ചു. വിചാരണ കോടതി പ്രതികള്ക്ക് വധശിക്ഷ വിധിക്കുകയും തുടര്ന്ന് അപ്പീല് കോടതിയും സുപ്രീം കോടതിയും ഈ വിധി ശരിവെക്കുകയും ചെയ്തു. ഇസ്ലാമിക ശരീഅത്ത് പ്രകാരം വിധി നടപ്പിലാക്കാന് രാജകല്പ്പന പുറപ്പെടുവിച്ചതോടെയാണ് ശിക്ഷാ നടപടികള് പൂര്ത്തിയായത്.
രാജ്യത്തിന്റെ സുരക്ഷ നിലനിര്ത്തുന്നതിനും നീതി നടപ്പിലാക്കുന്നതിനും സൗദി സര്ക്കാര് പ്രതിജ്ഞാബദ്ധമാണെന്ന് മന്ത്രാലയം പ്രസ്താവനയില് ആവര്ത്തിച്ചു.
Related News
