റിയാദ്: റിയാദ് ഇന്റര്നാഷണല് ഇന്ത്യന് സ്കൂളിന്റെ ഇന്ററിം പ്രിന്സിപ്പലായി മൈമൂന അബ്ബാസിനെ നിയമിച്ചു. ദീര്ഘകാലം പ്രിന്സിപ്പലായിരുന്ന മീര റഹ്മാന് വിരമിച്ചതിനെത്തുടര്ന്നാണ്, നിലവില് വൈസ് പ്രിന്സിപ്പലായി സേവനമനുഷ്ഠിച്ചു വരികയായിരുന്ന മൈമൂന അബ്ബാസിന് പുതിയ ചുമതല കൈമാറിയത്.
കോഴിക്കോട് സ്വദേശിനിയായ മൈമൂന അബ്ബാസ് കഴിഞ്ഞ മുപ്പത് വര്ഷത്തിലേറെയായി റിയാദിലെ വിദ്യാഭ്യാസ, സാമൂഹിക, സാംസ്കാരിക മേഖലകളിലെ സജീവ സാന്നിധ്യമാണ്. അധ്യാപന രംഗത്തെ മികച്ച പ്രകടനം മുന്നിര്ത്തി രാഷ്ട്രപതിയുടെ 'ഹിമാക്ഷര' പുരസ്കാരം ഉള്പ്പെടെ നിരവധി ദേശീയ-അന്തര്ദേശീയ അംഗീകാരങ്ങള് ഇവര് നേടിയിട്ടുണ്ട്.
വിദ്യാര്ത്ഥികളുടെ പഠന-പാഠ്യേതര വിഷയങ്ങളില് കൃത്യമായ ഇടപെടലുകള് നടത്തുന്നതിലും സഹപ്രവര്ത്തകരെ കാര്യക്ഷമമായി ഏകോപിപ്പിക്കുന്നതിലും മൈമൂന അബ്ബാസ് മുന്പന്തിയിലാണ്. മികച്ചൊരു പ്രഭാഷകയും കൗണ്സിലറുമായ അവര്, പ്രവാസ ലോകത്തെ വനിതകളുടെ സാമൂഹിക ശാക്തീകരണ പ്രവര്ത്തനങ്ങളിലും സജീവമായി ഇടപെടുന്നു.
റിയാദിലെ അറിയപ്പെടുന്ന ജീവകാരുണ്യ പ്രവര്ത്തകനായ വി.കെ.കെ. അബ്ബാസാണ് ഭര്ത്താവ്. മക്കളായ ഫര്ഹാന് അബ്ബാസ്, അഫ്നാന് അബ്ബാസ് എന്നിവര് മെഡിക്കല് വിദ്യാര്ത്ഥികളാണ്.
Related News
