മക്ക: ഈ വര്ഷത്തെ ഹജ്ജ് തീര്ത്ഥാടകര്ക്ക് സേവനവും കരുതലുമേകാന് ലക്ഷ്യമിട്ട് ഒ.ഐ.സി.സി മക്ക കമ്മിറ്റിയുടെ നേതൃത്വത്തില് വിപുലമായ രക്തദാന ക്യാമ്പ് സംഘടിപ്പിച്ചു. 'ഹജ്ജ്-2026: അതിഥികള്ക്കൊപ്പം കരുതലോടെ' എന്ന പ്രമേയത്തില് സംഘടിപ്പിച്ച ക്യാമ്പ് ഏപ്രില് 23-ന് മക്കയിലെ കിംഗ് അബ്ദുള്ള മെഡിക്കല് സിറ്റിയില് വെച്ചാണ് നടന്നത്.
ഹജ്ജ് കര്മ്മങ്ങള്ക്കായി ലോകത്തിന്റെ വിവിധ ഭാഗങ്ങളില് നിന്നെത്തുന്ന ദശലക്ഷക്കണക്കിന് തീര്ത്ഥാടകര്ക്ക് അടിയന്തര സാഹചര്യങ്ങളില് രക്തലഭ്യത ഉറപ്പുവരുത്തുക എന്നതാണ് ഈ ക്യാമ്പിന്റെ പ്രധാന ലക്ഷ്യം. ഓരോ വര്ഷവും സന്നദ്ധസേവന രംഗത്ത് സജീവമായ ഒ.ഐ.സി.സി, ഇത്തവണത്തെ വളന്റിയര് പ്രവര്ത്തനങ്ങളുടെ തുടക്കം കുറിച്ചാണ് രക്തദാന ക്യാമ്പ് സംഘടിപ്പിച്ചത്.
ഒ.ഐ.സി.സി പ്രസിഡന്റ് നൗഷാദ് പെരുന്തലൂര്, ജനറല് സെക്രട്ടറി സലിം കണ്ണനാകുഴി, വൈസ് പ്രസിഡന്റ് ഹബീബ് കോഴിക്കോട്, സെക്രട്ടറി മുബഷിര് അരീക്കോട്, മെഡിക്കല് വിംഗ് കോര്ഡിനേറ്റര് അബ്ദുല് റഷീദ് എന്നിവര് ക്യാമ്പിന് നേതൃത്വം നല്കി. ബ്ലഡ് ബാങ്ക് തലവന് ഡോക്ടര് സുല്ത്താന് അല് മല്കി, കോര്ഡിനേറ്റര്മാരായ ജംഷാദ് പി.കെ, മുഹമ്മദ് അല് ഷെയ്ഖ് തുടങ്ങിയവര് ആശുപത്രിയിലെ ക്രമീകരണങ്ങള്ക്ക് സഹായം നല്കി. ഒ.ഐ.സി.സി നടത്തുന്ന ഉദാത്തമായ സേവന പ്രവര്ത്തനങ്ങള്ക്കുള്ള ആദരസൂചകമായി കിംഗ് അബ്ദുള്ള മെഡിക്കല് സിറ്റി അധികൃതര് സംഘടനയ്ക്ക് പ്രശസ്തിപത്രം കൈമാറി.
Related News
