ജിസാന്: സബിയ ഏരിയ കെഎംസിസി കമ്മറ്റി 13ാമത് ഇഫ്താര് സംഗമം സംഘടിപ്പിച്ചു. ജിസാനിന്റെ വിവിധ ഭാഗങ്ങളില് നിന്നുള്ള മലയാളികളുടെ ഒരു സംഗമമായി അതു മാറി. സബിയ അല് ഫാരിസ് കോള്ഡ് സ്റ്റോര് കോമ്പൗണ്ടില് നടന്ന സംഗമം സൗദി നാഷണല് കമ്മറ്റി സെക്രട്ടറി ഹാരിസ് കല്ലായി ഉദ്ഘാടനം നിര്വഹിച്ചു.
സെന്ട്രല് കമ്മറ്റി പ്രസിഡന്റ് ഷംസു പൂക്കോട്ടൂര് അധ്യക്ഷത വഹിച്ചു. വര്ധിച്ചു വരുന്ന ലഹരിയുടെയും മായക്കുമരുന്നിന്റെയും വ്യാപനത്തിനെതിരെ നാം ഓരോരുത്തരും ജാഗ്രത പുലര്ത്തണമെന്ന് അദ്ദേഹം ഓര്മ്മപ്പെടുത്തി. പ്രവാസികളായ നമ്മള് നമ്മുടെ മക്കളുടെ കാര്യത്തില് കൂടുതല് ശ്രദ്ധ പുലര്ത്തണമെന്നും ഷംസു പൂക്കോട്ടൂര് കൂട്ടിച്ചേര്ത്തു.
എസ് ഫാരിസ് കോള്ഡ് സ്റ്റോറിനുള്ള സബിയ കെഎംസിസി യുടെ ഉപഹാരം ഗഫൂര് വാവൂരില്നിന്നു അലി മുഹ്റക്കിനൊപ്പം മാനേജ്മെന്റ് പ്രതിനിധികള് ഏറ്റുവാങ്ങി. സാമൂഹ്യ സുരക്ഷാ കോര്ഡിനേറ്റര് മാര്ക്കുള്ള സര്ട്ടിഫിക്കറ്റുകള് ചടങ്ങില് വെച്ചു വിതരണം ചെയ്തു. ഖാലിദ് പട്ല , ഡോ മന്സൂര് നാലകത്ത്, മുനീര് ഹുദവി, താഹ കൊല്ലേത്ത് (ജല), നാസര് ചേലേമ്പ്ര (ഒഐസിസി) എന്നിവര് സംസാരിച്ചു.
അസിസ് മോങ്ങം, ഷൗക്കത്ത് ബാപ്പു എളങ്കൂര് , സാലിം നേച്ചിയില്, ഇബ്രാഹിം വേങ്ങര, മുഹമ്മദ് ബഷീര്, സമീര്അമ്പലപ്പാറ , സാന്ഫര് കാവനൂര്, ഷബീര് മൊകേരി, ആരിഫ് ഒതുക്കുങ്ങല്, ഷാദില് വാഴക്കാട്, അമീര് ഇടശ്ശേരി, ഷിഹാബ് കുന്നുംപുറം, താഹ കോഴിക്കോട്, മുജീബ് കൂടത്തായി, ജമാല് പത്തപ്പിരിയം, ഫാരിസ് കോള്ഡ് സ്റ്റോറിലെ ജീവനക്കാര് എന്നിവര് നേതൃത്വം നല്കി. സബിയ ഏരിയ കെഎംസിസി ആക്ടിങ്ങ് പ്രസിഡന്റ് കുഞ്ഞി മുഹമ്മദ് (പീച്ചി) സ്വാഗതവും ട്രഷറര് കബീര് പൂക്കോട്ടൂര് നന്ദിയും പറഞ്ഞു.
Related News
