റിയാദ്: കഴിഞ്ഞ ഒരു മാസക്കാലമായി തിരുവനന്തപുരം സെക്രട്ടറിയേറ്റിന് മുമ്പില് ആശാ വര്ക്കര്മാര് വിവിധ ആവശ്യങ്ങള് ഉന്നയിച്ച് നടത്തിവരുന്ന ജനകീയ സമരത്തിന് റിയാദ് ഒഐസിസി ഐക്യദാര്ഢ്യം പ്രഖ്യാപിച്ചു. കോവിഡ് മഹാമാരിക്കാലത്ത് രാജ്യത്തെ പൊതുജനാരോഗ്യ സംരക്ഷണത്തിന് നിര്ണായകമായ പങ്ക് വഹിച്ച ആശാപ്രവര്ത്തകര്ക്ക് അവഗണനയ്ക്ക് പകരം അംഗീകാരം ലഭിക്കേണ്ടത് ന്യായമായ അവകാശമാണ്.
കേന്ദ്ര വിഹിതം കിട്ടാത്തതുകൊണ്ടാണ് ആശാവര്ക്കര്മാരുടെ ഇന്സെന്റീവ് ഉള്പ്പെടെ കുടിശികയായത് എന്ന് കേരളവും, ബജറ്റില് അനുവദിച്ചതിലും തുക സംസ്ഥാനത്തിന് നല്കിയിട്ടുണ്ടെന്ന് കേന്ദ്രവും പരസ്പരം വിഴുപ്പലക്കുമ്പോള് അവരുടെ ഒരു ദിവസത്തെ വേതനം എത്രയാണന്നത് നാം മറക്കരുത്. ഉമ്മന് ചാണ്ടി സര്ക്കാറിന്റെ കാലത്ത് ആശവര്ക്കര്മാര് രണ്ട് മണിക്കൂര് സേവനം നടത്തിയിരുന്നങ്കില് ഇന്ന് അവരെ കൊണ്ട് വിശ്രമം നല്കാതെയുള്ള അമിതഭാരം അടിച്ചേല്പ്പിക്കുകയാണ്.അതുകൊണ്ട് അവര് ഉന്നയിക്കുന്ന ന്യായമായ ആവശ്യങ്ങള്ക്ക് മുഖം തിരിഞ്ഞു നില്ക്കാതെ സര്ക്കാറിന്റെ ഈഗോ പ്രശ്നം മാറ്റി വെച്ച് സമരക്കാരെ ചര്ച്ചയ്ക്ക് വിളിക്കണമെന്നും എത്രയും വേഗം പ്രശ്നപരിഹാരം ഉണ്ടാക്കണമെന്നും റിയാദ് ഒഐസിസി വാര്ത്താ കുറിപ്പില് ആവശ്യപ്പെട്ടു.
Related News
