ന്യൂഡല്ഹി: കോണ്ഗ്രസിന് വീണ്ടും ആശങ്കക്കു വഴിയരുക്കി ഗവര്ണറെയും സംസ്ഥാന സര്ക്കാരിനെയും പകീര്ത്തിക്കുന്ന നടപടിയുമായി ശശി തരൂര്. മുഖ്യമന്ത്രി പിണറായി വിജയനും ഗവര്ണര് രാജേന്ദ്ര അര്ലേക്കര്ക്കും ഒപ്പമുള്ള സെല്ഫി സമൂഹ മാധ്യമമായ എക്സില് പങ്കുവച്ചുകൊണ്ടാണ് ശശി തരൂര് ഗവര്ണറെയും സംസ്ഥാന സര്ക്കാരിനെയും പുകഴ്ത്തിയിട്ടുള്ളത്. ഡല്ഹിയിലെ കേരള ഹൗസില് മുഖ്യമന്ത്രി പിണറായി വിജയന്, കേരളത്തില് നിന്നുള്ള എംപിമാര് എന്നിവരുമായി ഗവര്ണര് രാജേന്ദ്ര അര്ലേക്കര് ഇന്നലെ കൂടിക്കാഴ്ച നടത്തിയിരുന്നു. ഇതിനിടെയാണ് തരൂര് ഗവര്ണര്ക്കും മുഖ്യമന്ത്രിക്കും ഒപ്പം സെല്ഫിയെടുത്തത്.
''സംസ്ഥാനം നേരിടുന്ന പ്രശ്നങ്ങളെ കുറിച്ചും കൂട്ടായ പ്രവര്ത്തനത്തിന്റെ ആവശ്യകതയെക്കുറിച്ചും സംസാരിക്കാന് ഇന്നലെ രാത്രി എല്ലാ കേരള എംപിമാരെയും അത്താഴ ചര്ച്ചയ്ക്ക് ക്ഷണിച്ച ഗവര്ണര് രാജേന്ദ്ര അര്ലേക്കറുടെ നടപടി അഭിനന്ദനാര്ഹമാണ്. മുഖ്യമന്ത്രി പിണറായി വിജയന് അടക്കം പങ്കെടുക്കുകയും ഹ്രസ്വമായി സംസാരിക്കുകയും ചെയ്തു. രാഷ്ട്രീയ വ്യത്യാസങ്ങള്ക്കപ്പുറം, സംസ്ഥാനത്ത് വികസനം നടപ്പാക്കാനുള്ള നമ്മുടെ സംയുക്ത ശ്രമങ്ങള്ക്ക് ഈ അസാധാരണ നടപടി ശുഭസൂചനയാണ്'' ശശി തരൂര് എക്സില് കുറിച്ചു.
Related News
