ജിദ്ദ: ഒഐസിസി റീജിയണല്‍ കമ്മിറ്റി ജനറല്‍ സെക്രട്ടറിയും തിരുവനന്തപുരം പ്രവാസി അസോസിയേഷന്‍ ചെയര്‍മാനുമായ നാസുമുദ്ദീന്‍ മണനാക്കിന്റെ മാതാവും മന്നത്തുവീട്ടില്‍ പരേതനായ അബ്ദുല്‍ സമീദിന്റെ ഭാര്യയുമായ റംലാ ബീവി (76) ജിദ്ദയില്‍ നിര്യാതയായി. ഉംറ നിര്‍വഹിക്കാന്‍ എത്തിയതായിരുന്നു. ഉംറ നിര്‍വഹിച്ച ശേഷം മദീന സന്ദര്‍ശനത്തിനു പോകാനായി നാസുമുദ്ദീനും കുടുംബത്തോടുമൊപ്പം ജിദ്ദയില്‍ കഴിയുന്നതിനിടെ ദേഹാസ്വാസ്ഥ്യം ഉണ്ടാവുകയും ജിദ്ദ കിങ് അബ്ദുല്‍ അസീസ് യൂണിവേഴ്സിറ്റി ഹോസ്പിറ്റലില്‍ പ്രവേശിപ്പിക്കുകയും ചെയ്തുവെങ്കിലും മരണമടയുകയാിരുന്നു. മറ്റുമക്കള്‍: സജീന, നസീമുദ്ദീന്‍. നാട്ടിലുള്ള മകന്‍ നസീമുദ്ദീന്‍ ജീദ്ദയില്‍ എത്തിയ ശേഷം മയ്യിത്ത് ജിദ്ദയില്‍ ഖബറടക്കുമെന്ന് ബന്ധുക്കള്‍ അറിയിച്ചു.