ജിദ്ദ: കരുളായി പ്രവാസി സംഘം ജിദ്ദ കമ്മറ്റി ബാഗ്ദാദിയാ ചാമ്പ്യന്സ് ഫുട്ബോള് ഗ്രൗണ്ടില് ഇഫ്താര് സംഗമവും അതോടനുബന്ധിച്ച് ലഹരി വിരുദ്ധ പ്രതിജ്ഞയും സംഘടിപ്പിച്ചു. ജിദ്ദയിലേയും മക്കയിലേയും കരുളായി സ്വദേശികള് കുടുംബ സമേതം പങ്കെടുത്തു. സ്ത്രീകളും കുട്ടികളുമടക്കം മുന്നൂറോളം പേരാണ് ഈ വര്ഷത്തെ കെപിഎസ് ഇഫ്താര് സംഗമത്തില് സംബന്ധിച്ചത്.
കെപിഎസ് ഭാരവാഹികളായ അബ്ബാസ് നെച്ചിക്കാടന്, മോയിന്കുട്ടി മുണ്ടോടന്, റഫീഖ് സിപി, സൗഫല് തുടങ്ങിയവരുടെ നേതൃത്വത്തിലാണ് മെഗാ ഇഫ്താറിനു വേണ്ട മുന്നൊരുക്കങ്ങള് നടന്നത്. റിയാസ് മദനി പ്രാര്ത്ഥനക്ക് നേതൃത്വം നല്കി.
നമ്മുടെ നാടിനെ വരിഞ്ഞു മുറുക്കി കൊണ്ടിരിക്കുന്ന ലഹരി വസ്തുക്കളുടെ വ്യാപനത്തില് കെപിഎസ് ആശങ്ക പ്രകടിപ്പിച്ചു. ലഹരിക്കെതിരെ പ്ലക്കാര്ഡുകള് ഉയര്ത്തി, മൊബൈല് ഫോണില് ലൈറ്റുകള് തെളിയിച്ച് 'ലഹരി വിരുദ്ധ പ്രതിജ്ഞ' എടുത്താണ് സംഗമം സമാപിച്ചത്. സെക്രട്ടറി മോയിന്കുട്ടി ലഹരിക്കെതിരെ ഉദ്ബോധനം നടത്തി. ചെയര്മാന് നാസര് കരുളായി ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.
'നമ്മുടെ യുവതയെ നാശത്തിലേക്ക് തള്ളിവിടുന്ന ലഹരി വസ്തുക്കള് വില്പന നടത്തുന്ന കാപാലികര്ക്ക് മാപ്പില്ല'' 'ഞങ്ങളുടെ കുടുംബത്തിലും, അയല്പക്കത്തും, നാടിന്റെ മുക്കുമൂലകളിലും ഇനിമേല് സദാ ഞങ്ങളുടെ കണ്ണും കാതും തുറന്നു തന്നെ വയ്ക്കുകയാണ്. ലഹരിക്കെതിരേ, ലഹരി കടത്തുന്നവര്ക്കെതിരേ, ലഹരി വില്ക്കുന്നവര്ക്കെതിരേ ഞങ്ങള് യുദ്ധം പ്രഖ്യാപിക്കുകയാണ്.' തുടങ്ങിയ പ്രതിജ്ഞാ വാചകങ്ങള് നൂറുക്കണക്കിനാളുകള് ഏറ്റു ചൊല്ലി. രക്ഷാധികാരി അമീര് ചുള്ളിയന്, അബ്ബാസ് എന് കെ, റഫീഖ് എന്നിവര് സംസാരിച്ചു.
മജീദ് വി കെ, സഫറലി, സാബില്, മുന്ഫര്, അജീഷ്, സുഹൈല്, ശിഹാബ്, റിയാസ്, സിറാസ്, സമീര്, മുജീബ് സി, നാസര് കെ കെ, ഹിശാം, അഫ്സാര്, സക്കീര് തുടങ്ങിയവര് മെഗാ ഇഫ്താറിന്റെ വിജയത്തിനായി നേതൃത്വം നല്കി.
ഫോട്ടോ 1: കെപിഎസ് ജിദ്ദാ കമ്മറ്റി ഇഫ്താറിനോടനുബന്ധിച്ച് നടത്തിയ ലഹരി വിരുദ്ധ പ്രതിജ്ഞ. 2: കരുളായി പ്രവാസി സംഘം ജിദ്ദാ ബാഗ്ദാദിയയില് നടത്തിയ ഇഫ്താര് സംഗമം.
.
