ജിദ്ദ: കോട്ടക്കല് മണ്ഡലം കെഎംസിസിയുടെ ആഭിമുഖ്യത്തില് മുസ്ലിം ലീഗ് സംസ്ഥാന പ്രസിഡന്റായിരുന്ന പാണക്കാട് സയ്യിദ് ഹൈദരലി ശിഹാബ് തങ്ങളുടെ അനുസ്മരണവും കോട്ടക്കല് മണ്ഡലം കെഎംസിസി പ്രവര്ത്തകര്ക്ക് അത്താഴവിരുന്നും സംഘടിപ്പിച്ചു. മണ്ഡലം കെഎംസിസി അധ്യക്ഷന് ടി.ടി ഷാജഹാന്റെ അധ്യക്ഷതയില് നടന്ന പരിപാടി ജിദ്ദ - മലപ്പുറം ജില്ല കെഎംസിസി ജനറല് സെക്രട്ടറി നാണി ഇസ്ഹാഖ് മാസ്റ്റര് ഉദ്ഘാടനം ചെയ്തു. വര്ത്തമാന കാലത്തെ മത - രാഷ്ട്രീയ രംഗത്ത് നികത്താനാകാത്ത വിടവാണ് സയ്യിദ് ഹൈദറലി ശിഹാബ് തങ്ങളുടെ അഭാവം ഉണ്ടാക്കിയത് എന്ന് അദ്ദേഹം പറഞ്ഞു. തങ്ങളുടെ വിനയവും ലളിത ജീവിതവും ഏവര്ക്കും മാതൃകയാണെന്നും അദ്ദേഹം കൂട്ടിച്ചേര്ത്തു.
കുഞ്ഞാലി കുമ്മാളില് ഹൈദറലി തങ്ങള് അനുസ്മര പ്രഭാഷണം നടത്തി. മത രാഷ്ട്രീയ സംഘടനകള് വെച്ച് പുലര്ത്തുന്ന സങ്കുചിത കാഴ്ചപ്പാടുകള് ഹൈദറലി തങ്ങള് കാണിച്ച് തന്ന മാതൃകയിലൂടെ പരിഹാരം കാണണമെന്ന് അദ്ദേഹം പറഞ്ഞു.
പരിപാടിയില് ജിദ്ദ - മലപ്പുറം ജില്ല കെഎംസിസി വൈസ് പ്രസിഡണ്ട് അഷ്റഫ് മുല്ലപ്പള്ളി, സെക്രട്ടറി അഷ്റഫ് ഇ. സി, ജില്ല കെഎംസിസി വനിത വിംഗ് ട്രഷറര് ഷഫീദ ടീച്ചര്, മണ്ഡലം കെഎംസിസി ഭാരവാഹികളായ റസാഖ് വെണ്ടല്ലൂര്, വി. ടി ബഷീര് ഇരിമ്പിളിയം, മൊയ്തീന് പി. പി എടയൂര്, കെ. വി മുസ്തഫ വളാഞ്ചേരി, ഒ. കെ നജീബ് മാറാക്കര, മുബഷിര് എടയൂര് എന്നിവര് സംസാരിച്ചു. കോട്ടക്കല് മണ്ഡലം കെഎംസിസി ജനറല് സെക്രട്ടറി ഹംദാന് ബാബു സ്വാഗതവും ട്രഷറര് സൈനുദ്ദീന് കോടഞ്ചേരി നന്ദിയും പറഞ്ഞു.
പടം: ജിദ്ദ കോട്ടക്കല് മണ്ഡലം കെഎംസിസി സംഘടിപ്പിച്ച പാണക്കാട് ഹൈദറലി തങ്ങള് അനുസ്മരണം മലപ്പുറം ജില്ല കെഎംസിസി ജനറല് സെക്രട്ടറി നാണി ഇസ്ഹാഖ് മാസ്റ്റര് ഉദ്ഘാടനം ചെയ്യുന്നു.
Related News
