കോഴിക്കോട്: ബിരുദ വിദ്യാര്ഥിനിയും നൃത്താധ്യാപികയുമായ യുവതിയെ തൂങ്ങി മരിച്ച നിലയില് കണ്ടെത്തി. നാദാപുരം വെള്ളൂര് കോടഞ്ചേരിയില് ആയാടത്തില് അനന്തന്റെ മകള് ചന്ദന (19) ആണ് മരിച്ചത്. മടപ്പള്ളി ഗവ. കോളജ് രണ്ടാം വര്ഷ ബിരുദ വിദ്യാര്ഥിനിയാണ്.
ശനിയാഴ്ച രാവിലെ നൃത്തം അഭ്യസിക്കാന് എത്തിയ കുട്ടികളാണ് ചന്ദനയെ തൂങ്ങി മരിച്ച നിലയില് കണ്ടത്. ഈ സമയത്ത് വീട്ടുകാര് സ്ഥലത്തുണ്ടായിരുന്നില്ല. മൃതദേഹം നാദാപുരം സര്ക്കാര് ആശുപത്രിയിലേക്ക് മാറ്റി. കോഴിക്കോട് മെഡിക്കല് കോളജ് ആശുപത്രിയില് എത്തിച്ച് പോസ്റ്റ്മോര്ട്ടം നടപടികള് പൂര്ത്തി ബന്ധുക്കള്ക്ക് മൃതദേഹം കൈമാറും.
രണ്ട് വൈദ്യുതി വകുപ്പ് ജീവനക്കാര് ജോലിക്കിടെ ഷോക്കേറ്റ് മരിച്ചു
തൃശൂര്: തൃശൂര് അതിരപ്പിള്ളിയിലും പാലക്കാട് അട്ടപ്പാടിയിലും ജോലിക്കിടെ ഷോക്കേറ്റ് കെഎസ്ഇബി ജീവനക്കാര് മരിച്ചു. ലൈന്മാന് പത്തനംതിട്ട സ്വദേശി സി കെ റെജി (53) ആണ് അട്ടപ്പാടിയില് മരിച്ചത്. അതിരപ്പിള്ളിയില് വൈദ്യുതി പോസ്റ്റിലെ അറ്റകുറ്റപ്പണിക്കിടെയാണ് ലൈന്മാന് ഷോക്കേറ്റത്. അതിരപ്പള്ളി ജംഗ്ഷനില് വൈകിട്ട് അഞ്ചരയോടെയായിരുന്നു അപകടം.
അട്ടപ്പാടിയില് ചീരക്കടവില് വൈദ്യുതി ലൈന് സ്ഥാപിക്കുന്നതിനിടെ ഷോക്കടിച്ച് താല്ക്കാലിക ജീവനക്കാരനായ നെല്ലിപ്പതി സ്വദേശി നഞ്ചന് (52) ആണ് മരിച്ചത്. ജോലിക്കിടെ വൈദ്യുതി തൂണില് നിന്നുള്ള കമ്പി സമീപത്തെ ഹൈ ടെന്ഷന് ലൈനില് തട്ടിയാണ് ഷോക്കേറ്റത്. കോട്ടത്തറ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഫോട്ടോ: തൂങ്ങി മരിച്ച ചന്ദന.
Related News
