കോഴിക്കോട്: കനത്ത മഴയെ തുടര്ന്ന് നിറഞ്ഞെുകവിഞ്ഞ ഓടയില് വീണു ഇന്നലെ കാണാതായ ആളുടെ മൃതദേഹം കണ്ടെത്തി. പാലാഴി സ്വദേശി ശശി(60)യുടെ മൃതദേഹമാണ് കണ്ടെത്തിയത്. കോവൂര് എംഎല്എ റോഡില് മണലേരി താഴത്തെ ബസ് സ്റ്റോപ്പില് ഇരിക്കുകയായിരുന്ന ശശി അബദ്ധത്തില് കാല്വഴുതി ഓടയില് വീഴുകയായിരുന്നു. കനത്ത മഴയെത്തുടര്ന്ന് ബസ് സ്റ്റോപ്പില് കയറിനില്ക്കുകയായിരുന്നു ശശിയും സുഹൃത്തും. ഒരു കിലോമീറ്റര് അകലെനിന്ന് ഫയര്ഫോഴ്സ് പുറത്തെടുത്ത മൃതദേഹം കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. പോലീസിന്റെയും അഗ്നിരക്ഷാ സേനയുടെയും പ്രദേശവാസികളുടെയും നേതൃത്വത്തില് മണിക്കൂറുകള് നീണ്ട തിരച്ചിലിനൊടുവിലാണ് മൃതദേഹം കണ്ടെടുത്തത്.
Related News
