കൊല്ലം: കേരള മനസാക്ഷിക്ക് വീണ്ടും മുറിവേല്പ്പിച്ച് കൊലപാതകവും ആത്മഹത്യയും. കൊല്ലത്താണ് സംഭവം. കോളേജ് വിദ്യാര്ഥിയെ വീട്ടില് കയറി കുത്തിക്കൊലപ്പെടുത്തിയ ശേഷം കുടുംബ സുഹൃത്തായ യുവാവ് ട്രെയിനിനു മുന്നില് ചാടി ആത്മഹത്യ ചെയ്യുകയായിരുന്നു. കൊല്ലം ഫാത്തിമ മാതാ കോളജിലെ രണ്ടാം വര്ഷ ബിസിഎ വിദ്യാര്ഥിയായ ഉളിയക്കോവില് സ്വദേശി ഫെബിന് ജോര്ജ് ഗോമസ് (22) ആണ് കൊല്ലപ്പെട്ടത്. കൊലപാതകത്തിനുശേഷം നീണ്ടകര സ്വദേശിയായ പ്രതി തേജസ് രാജ് (22) കടപ്പാക്കട ചെമ്മാന്മുക്കിലെ റെയില്വേ ഗേറ്റിനു സമീപം കൈഞരമ്പ് മുറിച്ച ശേഷം ട്രെയിനിനു മുന്നില് ചാടി ആത്മഹത്യ ചെയ്യുകയായിരുന്നു. കൊല്ലം ഡിസ്ട്രിക്ട് ക്രൈം റെക്കോര്ഡ്സ് ബ്യൂറോ ഗ്രേഡ് എസ്ഐ രാജുവിന്റെ മകനാണ പ്രതി തേജസ്.
തിങ്കളാഴ്ച വൈകുന്നേരം എഴു മണിയോടെ മുഖംമൂടി ധരിച്ച് ഉളിയക്കോവിലിലെ ഫെബിന്റെ വീട്ടിലെത്തിയ തേജസ് കത്തി ഉപയോഗിച്ച് ഫെബിനെ കുത്തുകയായിരുന്നു. ഇത് തടയാന് ശ്രമിച്ച ഫെബിന്റെ പിതാവ് ഗോമസിനും കുത്തേറ്റു. കുത്തേറ്റ ഫെബിനെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കാറിലാണ് പ്രതി തേജസ് ഫെബിന്റെ വീട്ടിലെത്തിയത്. ഫെബിനെ കുത്തിയ ശേഷം കാറില് റെയില്വേ ട്രാക്കിലേക്കു പോകുന്നതിനിടെ കാര് പല വാഹനങ്ങളിലും ഇടിച്ചതായി പറയുന്നു. രണ്ടു കുപ്പി പെട്രോളും തേജസ് കൈയില് കരുതിയിരുന്നു. തേജസിന്റെ മൃതദേഹം കൊല്ലം കടപ്പാക്കടയ്ക്കു സമീപം റെയില്വേ ട്രാക്കിലാണ് കണ്ടെത്തിയത്. റെയില്വേ ട്രാക്കിനു സമീപം നിര്ത്തിയിട്ട നിലയില് കാറും കണ്ടെത്തി. സംഭവത്തെ തുടര്ന്ന് മേഖലയില് ട്രെയിന് ഗതാഗതം ഏറെ നേരം തടസ്സപ്പെട്ടു. സംഭവത്തില് പോലീസ് വിശദമായ അന്വേഷണം ആരംഭിച്ചു.
കോളേജ് വിദ്യാര്ഥിയായ ഫെബില് ഫുഡ് ഡെലിവറി ബോയ് ആയും ജോലി ചെയ്തിരുന്നു. അമ്മ: ഡെയ്സി, സഹോദരി: ഫ്ലോറിന്.
ഫോട്ടോ: കൊല്ലപ്പെട്ട ഫെബിന്.
Related News
