കൊല്ലം: കൊല്ലം നഗരത്തിലെ യുവാക്കളുടെ കൊലപാതകത്തിനും ആത്മഹത്യക്കും പിന്നില് പ്രണയപകയെന്ന് പോലീസ്. ഫാത്തിമാ മാതാ നാഷനല് കോളജ് രണ്ടാം വര്ഷ ബിസിഎ വിദ്യാര്ഥിയും ഉളിയക്കോവില് വിളപ്പുറം മാതൃകാ നഗര് 162 ഫ്ലോറിഡെയ്ലില് ജോര്ജ് ഗോമസിന്റെ മകനുമായ ഫെബിന് ജോര്ജ് ഗോമസാണ് (21) കുത്തേറ്റു മരിച്ചത്. ഡിസ്ട്രിക്ട് ക്രൈം റെക്കോര്ഡ്സ് ബ്യൂറോ (ഡിസിആര്ബി) ഗ്രേഡ് എസ്ഐ നീണ്ടകര പുത്തന്തുറ തെക്കടത്ത് രാജുവിന്റെ മകന് തേജസ് രാജ് (23) ആണു ചെമ്മാന്മുക്ക് റെയില്വേ ഓവര്ബ്രിജിനു സമീപം ട്രെയിനിനു മുന്നില് ചാടി ആത്മഹത്യ ചെയ്തത്. ഫെബിന്റെ സഹോദരിയെ വകവരുത്തുകയെന്ന ലക്ഷ്യത്തോടെയാണ് തേജസ് രാജ് ഉളിയക്കോവിലെ വീട്ടിലെത്തിയതെന്ന് സംശയിക്കുന്നു. സഹോദരിയെ കണ്ടെത്താനാവെത വന്നപ്പോഴാണ് സഹോദരന് ഫെബിനുനേരെ ആക്രമണം നടത്തിയതെന്ന് പറയുന്നു.
ഫെബിന് ജോര്ജിന്റെ സഹോദരിയും പ്രതി തേജസ് രാജും നേരത്തെ പ്രണയത്തിലായിരുന്നു. ഇരുവരും സഹപാഠികളായിരുന്നു. കുടുംബങ്ങള് ഇക്കാര്യംമറിഞ്ഞ് വിവാഹത്തിന് സന്നദ്ധമായിരുന്നു. എന്നാല് യുവതി ജോലി ലഭിച്ചതോടെ തേജസുമായുള്ള ബന്ധത്തില്നിന്നു പിന്മാറി. ഇത് തേജസ്സില് വൈരാഗം ജനിപ്പിക്കുകയും അതു കൊലപാതകത്തിലേക്ക് നയിക്കുകയുമായിരുന്നുവെന്ന്് പോലീസ് പറയുന്നു.
സംഭവ ദിവസം തേജസ് വിളിച്ചനേരം ഫോണ് എടുക്കാന് യുവതി തയാറായില്ല. ഇതും വൈരാഗ്യത്തിന്റെ ആക്കം കൂട്ടാന് കാരണമായി. ബന്ധം തുടരണമെന്ന് ആവശ്യപ്പെട്ട് യുവതിയെ തേജസ് ശല്യപ്പെടുത്തിയിരുന്നു. ഇത് വീട്ടുകാര് വിലക്കിയിരുന്നു. ഈ വൈരാഗ്യമാണ് യുവതിയുടെ സഹോദരനെ കൊലപ്പെടുത്തുന്നതില് കലാശിച്ചതെന്നു പോലീസ് പറഞ്ഞു. കുത്തേറ്റ യുവതിയുടെ പിതാവ് ജോര്ജ് ഗോമസ് ആശുപത്രിയില് സുഖം പ്രാപിച്ചു വരുന്നു.
തിങ്കളാഴ്ച വൈകുന്നേരം ഏഴു മണിയോടെയാണ് സംഭവം. കാറില് പര്ദ ധരിച്ച് മുഖംമൂടിയാണ് തേജസ് ഫെബിന്റെ വീട്ടിലെത്തി കൊല നടത്തിയത്. അതേ കാറില് തന്നെ പോയാണ് മൂന്നു കിലോമീറ്റര് അകലെ ട്രെയിനിനു മുന്നില് ചാടി ആത്മഹത്യ ചെയ്തത്.
ഫോട്ടോ: പ്രതി തേജസ് രാജും കൊല്ലപ്പെട്ട ഫെബിനും.
Related News
