തിരുരങ്ങാടി : മുനിസിപ്പല്‍ പ്രവാസി ലീഗ് കമ്മിറ്റി മടങ്ങിവന്ന പ്രവാസികള്‍ക്കുള്ള റിലീഫ് കൂപ്പണ്‍ വിതരണ ഉദ്ഘാടനം മുസ്ലിം ലീഗ് സംസ്ഥാന ജനറല്‍ സെക്രട്ടറി പി എം എ സലാം നിര്‍വഹിച്ചു. അര്‍ഹരായ പ്രവാസി കുടുംബങ്ങള്‍ക്ക് പുതു വസ്ത്രങ്ങള്‍ എടുക്കുന്നതിന് ചെമ്മാട് മാനസ ടെക്സ്റ്റ്യില്‍സിലേക്കുള്ള കൂപ്പണ്‍ ആണ് നല്‍കുന്നത്.

പരിപാടിയില്‍ ജില്ല മുസ്ലിം ലീഗ് വൈസ് പ്രസിഡന്റ് എം കെ ബാവ, മണ്ഡലം പ്രസിഡന്റ് സി എച്ച് മുഹമൂദ് ഹാജി, പ്രവാസി ലീഗ് സംസ്ഥാന വൈസ് പ്രസിഡന്റ് പി എം എ ജലീല്‍ സംസാരിച്ചു. ഭാരവാഹികളായ മുസ്തഫ കോണിയത്ത്, എം വി സുബൈര്‍, എന്‍ കെ മുഹമ്മദ് കുട്ടി ഹാജി, ഒടുങ്ങാട്ട് ഇസ്മായില്‍, സി എച് അയ്യൂബ്, ബാബു മാസ്റ്റര്‍, ലത്തീഫ് ചരപ്പുറത്ത്, ഡോ. ഇ കെ നസീര്‍, മുസ്തഫ തുടങ്ങിയവര്‍ പങ്കെടുത്തു.