പൊന്നാനി: ഫലസ്തീന് ജനതക്കെതിരായി പൈശാചികാക്രമണങ്ങള് നിര്ബാധം നടത്തിക്കൊണ്ടിരിക്കുന്ന ഇസ്രായില് ഭീകരതക്കെതിരെയും അതിന് ഓശാന പാടുന്ന അമേരിക്കന് സാമ്രാജ്യത്വ ശക്തികള്ക്കെതിരെയും സമാധാനം കാംക്ഷിക്കുന്ന ലോക ജനത ഒന്നിച്ച് പ്രതികരിക്കണമെന്ന് പൊന്നാനിയിലെ സാമൂഹ്യ, സാംസ്കാരിക സംഘടനകളുടെ സംയുക്ത വേദിയായ സമന്വയം പൊന്നാനി ആവശ്യപ്പെട്ടു.
മധ്യപൗരസ്ത്യ ദേശത്തെ രാഷ്ട്രീയ - സുരക്ഷാ പ്രശ്നങ്ങള്ക്കുള്ള ശാശ്വതവും നീതിയില് അധിഷ്ഠിതവും പൂര്ണവും സമാധാന പൂര്ണവുമായ പരിഹാരം ഫലസ്തീന് ജനതക്ക് സമ്പൂര്ണ സാമ്പത്തിക രാഷ്ട്രീയ സ്വാതന്ത്ര്യം വക വെച്ചു കൊടുക്കുന്നതാണ്. സമാധാന പുനഃസ്ഥാപനത്തിനായി യൂണൈറ്റഡ് നാഷന്സിന്റെയും മറ്റും നേതൃത്വത്തില് നടക്കുന്ന നീക്കങ്ങളെ തുരങ്കം വെക്കുക കൂടിയാണ് ഇസ്രായേലി വംശീയ വാദികളും സാമ്രാജ്യത്വ ശക്തികളും നടത്തുന്ന മനുഷ്യത്വ രഹിതമായ ആക്രമണങ്ങളിലൂടെ. പുണ്യ മാസത്തില് പ്രാര്ത്ഥനയും സഹായവും ഫലസ്തീന് ജനതക്ക് നിര്ലോഭം അര്പ്പിക്കാന് എല്ലാവരും തയ്യാറാവാണമെന്നും സമന്വയം അഭ്യര്ത്ഥിച്ചു.
സമന്വയം ചെയര്മാന് കെ. എം. മുഹമ്മദ് ഖാസിം കോയ അധ്യക്ഷത വഹിച്ചു. അബ്ദുറഹ്മാന് ഫാറൂഖി, ഹാജി അബ്ദുല് മജീദ് ഫൈസി, ഹാജി സി.വി . അബു സ്വാലിഹ്, ജാവ അഷ്റഫ്, വി.എം ബഷീര്, കമാല് മാസ്റ്റര്, ഹാജി പി.ഷാഹുല് ഹമീദ് മുസ്ലിയാര്, കെ.കെ.മുഹമ്മദ് എന്നിവര് പ്രസംഗിച്ചു.
Related News
