കണ്ണൂര്‍: കൈതപ്രത്തു നിര്‍മാണത്തിലുള്ള വീട്ടില്‍ ഗുഡ്‌സ് ഓട്ടോ ഡ്രൈവര്‍ കെ.കെ.രാധാകൃഷ്ണന്‍ വെടിയേറ്റു മരിച്ച സംഭവത്തിനു പിന്നില്‍ അവിഹിത ബന്ധം. രാധാകൃഷ്ണന്റെ ഭാര്യയുമായി പ്രതി എന്‍.കെ സന്തോഷിനുണ്ടായിരുന്നു ബന്ധം ചോദ്യം ചെയ്യുകയും പോലീസില്‍ പാരിതിപ്പെടുകയും ചെയ്തതിലുള്ള വൈരാഗ്യമാണ് കൊലപാതകത്തിനു കാരണം.

വീടു പണിക്കായി വന്ന പ്രതി സന്തോഷ്, രാധാകൃഷ്ണന്റെ ഭാര്യയുമായി സൗഹൃദത്തിലാകുകയായിരുന്നു. ഈ ബന്ധം തുടരാന്‍ രാധാകൃഷ്ണന്‍ തടസ്സമായി വന്നതോടെയാണ് രാധാകൃഷ്ണനെ വകരുത്താന്‍ തീരുമാനിച്ചത്. രണ്ടുമാസം മുന്‍പ് സന്തോഷിനെതിരെ രാധാകൃഷ്ണന്‍ പരിയാരം പോലീസില്‍ പരാതി നല്‍കിയിരുന്നു. ഇതെത്തുടര്‍ന്നു പലപ്പോഴും രാധാകൃഷ്ണനെ സന്തോഷ് ഭീഷണിപ്പെടുത്തിയിരുന്നതായി പറയുന്നു.

പ്രതി കൃത്യം നടത്തിയത് ഫെയ്സ്ബുക്കില്‍ ഭീഷണി സന്ദേശം പോസ്റ്റ് ചെയ്ത ശേഷമായിരുന്നു കൊലപാതകത്തിനു മുന്‍പും ശേഷവും ഇയാള്‍ ഭീഷണി സന്ദേശം പോസ്റ്റ് ചെയ്തിട്ടുണ്ടെന്ന് പോലീസ് കണ്ടെത്തി. ഇന്നലെ വൈകിട്ട് 4.23ന് തോക്കേന്തി നില്‍ക്കുന്ന ഒരു ചിത്രവും സന്തോഷ് പോസ്റ്റ് ചെയ്തിരുന്നു. കാട്ടുപന്നികളെ വെടിവയ്ക്കാനുള്ള, പഞ്ചായത്തിന്റെ ഷൂട്ടേഴ്‌സ് സംഘാംഗമാണ് സന്തോഷ്.

ഫോട്ടോ: പ്രതി സന്തോഷ്