കൊല്ലം: മൂന്ന് ലക്ഷം രൂപ വില വരുന്ന എംഡിഎംഎയുമായി യുവതി കൊല്ലത്ത് പിടിയില്. അഞ്ചാലുംമൂട് പനയം രേവതിയില് വാടകയ്ക്കു താമസിക്കുന്ന അനില രവീന്ദ്രന് (34) ആണ് കൊല്ലം സിറ്റി ഡാന്സാഫ് ടീമും ശക്തികുളങ്ങര പോലീസും ചേര്ന്നു നടത്തിയ പരിശോധനയില് പിടിയിലായത്.
കാറിലും ജനനേന്ദ്രിയത്തില് ഒളിപ്പിച്ച നിലയിലുമാണ് യുവതിയില്നിന്നു ലഹരി കണ്ടെടുത്തത്. യുവതിയെ കൊല്ലം ജില്ല ആശുപത്രിയില് എത്തിച്ച് വൈദ്യ പരിശോധന നടത്തിയാണ് ജനനേന്ദ്രിയത്തില് ഒളിപ്പിച്ച എംഡിഎംഎ കണ്ടെടുത്തത്.
കര്ണാടകയില്നിന്ന് കൊല്ലം നഗരത്തിലെ സ്കൂള് കോളജ് വിദ്യാര്ഥികള്ക്കു വിതരണം ചെയ്യാന് കൊണ്ടുവന്ന എംഡിഎംഎ സ്വന്തം കാറിലായിരുന്നു യുവതി കടത്തിയിരുന്നത്. സംശയം തോന്നി നീണ്ടകരയില്വെച്ച കാര് നിര്ത്താന് ആവശ്യപ്പെട്ടുവെങ്കിലും നിര്ത്തിയില്ല. പിന്തുടര്ന്ന പോലീസ് ആല്ത്തറമൂട് ശക്തികുളങ്ങര പോലീസ് സ്റ്റേഷന് പരിധിയില് വച്ച് വാഹനം തടഞ്ഞാണ് യുവതിയെ പിടികൂടിയത്. പരിശോധനയില് കാറില് ഒളിപ്പിച്ച നിലയിലാണ് എംഡിഎംഎ ആദ്യം കണ്ടെടുത്തത്. പിന്നീട് യുവതിയെ ആശുപത്രിയില് എത്തിച്ചു പരിശോധിച്ചപ്പോഴാണ് ജനനേന്ദ്രിയത്തിലും മയക്കുമരുന്ന് കണ്ടെത്തിയത്. ഇവര് നേരത്തെയും മയക്കുമരുന്ന് കേസില് പ്രതിയാണ്.
Related News
