മലപ്പുറം: പാണ്ടിക്കാട് ചെമ്പ്രശ്ശേരി ഈസ്റ്റില് ഉത്സവത്തിനിടെയുണ്ടായ വെടിവയ്പ്പില് യുവാവിന് വെടിയേറ്റു. ചെമ്പ്രശ്ശേരി സ്വദേശിയായ ലുക്മാന് (37) ആണ് വെടിയേറ്റത്. കഴുത്തിന് വെടിയേറ്റ ഇയാളുടെ നില ഗുരുതരമാണ്. കോഴിക്കോട് മെഡിക്കള് കോളേജില് ചികിത്സയിലാണ്.
ചെമ്പ്രശ്ശേരി കൊറത്തിതൊടികയിലെ കുടുംബക്ഷേത്രത്തില് ഉത്സവത്തിനിടെ സംഘര്ഷമുണ്ടായതോടെ വെടിയുതിര്ക്കുകയായിരുന്നു. വെള്ളിയാഴ്ച രാത്രി 10 മണിയോടെയാണ് സംഭവം. കോടശ്ശേരി സ്വദേശികളാണ് വെടിയുതിര്ത്തതെന്ന് പോലീസ് സംശയിക്കുന്നു. പ്രദേശത്ത് നേരത്തെ നടന്ന ഉത്സവത്തില് പ്രാദേശികമായി ചേരി തിരിഞ്ഞ് സംഘര്ഷമുണ്ടായിരുന്നു. കൊടശ്ശേരി-ചെമ്പ്രശ്ശേരി ഈസ്റ്റ് പ്രദേശങ്ങള് തമ്മിലായിരുന്നു സംഘര്ഷം. ഇതിന്റെ തുടര്ച്ചയാണ് ഇന്നലത്തെ സംഭവം.
Related News
