ആലപ്പുഴ: സംസ്ഥാനത്തിന്റെ പല ഭാഗങ്ങളിലും ഇടിയോടും കാറ്റോടും കൂടിയ മഴ ലഭിച്ചു. ചില ഭാഗങ്ങളില്‍ കനത്ത മഴയാണ് ലഭിച്ചത്. ഇത് കഠിനമായ ചൂടിന് ആശ്വാസം പകര്‍ന്നു. അതിശക്തമായ കാറ്റാണ് ചിലയിടങ്ങളില്‍ വീശിയടിച്ചത്. ആലപ്പുഴ പാണാവള്ളിിയില്‍ തെങ്ങ് കടപുഴകി ദേഹത്ത് വീണു ഗൃഹനാഥ മരിച്ചു.

പാണാവള്ളി പഞ്ചായത്ത് മൂന്നാം വാര്‍ഡ വൃന്ദ ഭവനില്‍ മല്ലിക (53) ആണ് മരിച്ചത്. ശനിയാഴ്ച വൈകിട്ട് നാലരയോടെ ഉണ്ടായ ശക്തമായ കാറ്റില്‍ അടുത്ത പുരയിടത്തില്‍ നിന്ന തെങ്ങ് കടപുഴകി മല്ലികയുടെ ദേഹത്ത് വീഴുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭര്‍ത്താവ്: ഷാജി. മക്കള്‍: മൃദുല്‍, വിഷ്ണു, വൃന്ദ.