തിരുവനന്തപുരം: വേള്ഡ് മലയാളി കൗണ്സിലിന്റെ ഗ്ലോബല് കോണ്ഫറന്സ് ലോഗോ പ്രകാശനം ചെയ്തു. ജൂണ് 27 മുതല് 30 വരെ അസര്ബെയ്ജാനിലെ ബാക്കുവിലാണ് ഗ്ലോബല് കോണ്ഫറന്സ് നടക്കുന്നത്. തിരുവനന്തപുരത്ത് നടന്ന ചടങ്ങില് മുന് അംബാസഡര് ടി.പി ശ്രീനിവാസന് ലോഗോ പ്രകാശനം നിര്വഹിച്ചു. സംഘടന മുപ്പതു വര്ഷം പിന്നിടുന്ന വേളയിലാണ് ഇത്തവണത്തെ ഗ്ലോബല് കോണ്ഫറന്സ്.
ഇതോടനുബന്ധിച്ചു നടന്ന സമ്മേളനം ഗ്ലോബല് ചെയര്മാന് ജോണി കുരുവിള ഉദ്ഘാടനം ചെയ്തു. പ്രൊവിന്സ് പ്രസിഡന്റ് ബി ചന്ദ്രമോഹനന് അധ്യക്ഷത വഹിച്ചു. ഗ്ലോബല് പ്രസിഡന്റ് ബേബി മാത്യു സോമതീരം മുഖ്യ പ്രഭാഷണം നടത്തി. പുതുതായി തെരഞ്ഞെടുക്കപ്പെട്ട വേള്ഡ് മലയാളി കൗണ്സില് തിരുവനന്തപുരം ചാപ്റ്ററിലെ ഭാരവാഹികള്ക്ക് ഗ്ലോബല് വൈസ് പ്രസിഡന്റ് ഡോ. നടയ്ക്കല് ശശി സത്യവാചകം ചൊല്ലി കൊടുത്തു. തിരുവിതാംകൂര് പ്രൊവിന്സ് ചെയര്മാന് സാബു തോമസ്, സാം ജോസഫ്, അഡ്വ. പി സുധാകരന് തുളസിധരന് നായര്, എസ് സുധീശന് എന്നിവര് പ്രസംഗിച്ചു.
തിരുവനന്തപുരം ചാപ്റ്റര് ഭാരവാഹികളായി സതീഷ് ചന്ദ്രന് (പ്രസിഡന്റ്), ഡോ. അനിത മോഹന് (സെക്രട്ടറി), ആനന്ദ് (ട്രഷറര്), ജയാനന്ദ് (വൈസ് പ്രസിഡന്റ്), സുനില് കുമാര് (ജോയിന്റ് സെക്രട്ടറി) എന്നിവരെ തെരഞ്ഞെടുത്തു.
Related News
