ദുബായ്: ഹ്രസ്വ സന്ദര്‍ശനാര്‍ത്ഥം ദുബായില്‍ എത്തിയ മുന്‍ പ്രവാസി നേതാവും പൂക്കോട്ടൂര്‍ മാപ്പിള വാര്‍ മെമ്മോറിയല്‍ ട്രസ്റ്റ് ചെയര്‍മാനും തിരൂര്‍ സിറ്റി ഹോസ്പിറ്റല്‍ മാനേജിങ് ഡയറക്ടറുമായ കൂടാത്ത് മുഹമ്മദ് കുട്ടി ഹാജിക്ക് ദുബായില്‍ പൗരസമിതി സ്വീകരണം നല്‍കി.

കെ എം സി സി താനൂര്‍ മണ്ഡലം കമ്മറ്റി യുടെ അഭിമുഖ്യത്തില്‍ നടന്ന ചടങ്ങില്‍ താനൂര്‍ മണ്ഡലം മുസ്ലിം ലീഗ് സെക്രട്ടറി സൈദലവി ഹാജി മുഖ്യാതിഥിയായിരുന്നു. പരിപാടിയില്‍ കെ എം സി സി മലപ്പുറം ജില്ലാ പ്രിസിഡന്റ് സിദ്ധിക്ക് കലോടി , സെക്രട്ടറി നൗഫല്‍ വേങ്ങര, ഷെരീഫ് മലബാര്‍ ,ഷൗകത്തലി, അമീര്‍ , മുബാറക്ക് തുടങ്ങിയവര്‍ സംസാരിച്ചു. മുഹമ്മദ് കുട്ടി ഹാജിക്ക് ഹംസ ഹാജി മാട്ടുമ്മല്‍ ഉപഹാരം സമര്‍പ്പിച്ചു.