ജിദ്ദ: ഉംറ നിര്‍വഹണത്തിനു ശേഷം നാട്ടിലേക്കു പോകാന്‍ വിമാനത്താവളത്തിലേക്ക് പോകുന്നതിനിടെ രോഗബാധിതയായി ആശുപത്രിയില്‍ ചികിത്സയില്‍ കഴിഞ്ഞിരുന്ന മലപ്പുറം ഒതുക്കുങ്ങല്‍ പൊന്‍മള പള്ളിയാളി മണ്ണില്‍തൊടി എറമുവിന്റെ ഭാര്യ ഖദീജ മരിച്ചു. ഒരു മാസമായി അബുഹൂര്‍ കിങ് അബ്ദുള്ള മെഡിക്കല്‍ സിറ്റിയില്‍ ചികിത്സയിലായിരുന്നു. മക്കള്‍: സൈനുദ്ദീന്‍ ഫൈസി (ജിദ്ദ), മുസ്തഫ, ജാഫര്‍ ഹുദവി, അബ്ദുല്‍ സമദ്, സുബൈദ, റംല, ഉമ്മുഖുല്‍സു, ശമീമ.
മൃതദേഹം ജിദ്ദയില്‍ ഖബറടക്കും. നിയമനടപടികള്‍ പൂര്‍ത്തിയാക്കുന്നതിന് ജിദ്ദ കെ എം സി സി വെല്‍ഫയര്‍ വിങ്ങ് രംഗത്തുണ്ട്.