കൊല്ലം: നാട്ടില്‍ അവധിക്കായി വിമാനം ഉറങ്ങി വീട്ടിലേക്കു പോകുന്നതിനിടെ ഡോക്ടര്‍ വാഹനാപകടത്തില്‍ മരിച്ചു. യു.എ.ഇയില്‍ ജോലി ചെയ്യുന്ന പത്തനംതിട്ട ചന്ദനപ്പള്ളി വടക്കേക്കര ഹൗസില്‍ ഡോ. ബിന്ദു ഫിലിപ്പ് (48) ആണ് മരിച്ചത്. ബിന്ദു സഞ്ചരിച്ചിരുന്ന കാര്‍ കൊല്ലം ആയൂര്‍ കമ്പങ്കോട് വെച്ച് അപകടത്തില്‍പ്പെടുകയായിരുന്നു. ഡ്രൈവര്‍ക്ക് പരിക്കേറ്റു.

ഷാര്‍ജയില്‍നിന്ന് തിരുവനന്തപുരം വിമാനത്താവളത്തിലെത്തിയ ബിന്ദു അവിടെ നിന്ന് നാട്ടിലേക്ക് പുറപ്പെട്ടപ്പോഴാണ് കാര്‍ അപകടത്തില്‍പെട്ടത്. ബിന്ദു പിന്‍സീറ്റിലാണ് ഇരുന്നിരുന്നത്. അപകട കാരണം വ്യക്തമല്ല. ഭര്‍ത്താവ്: പരേതനായ അജി പി. വര്‍ഗീസ്. മക്കള്‍: അഞ്ജലീന, വീനസ്.