കോഴിക്കോട്: ബാലുശ്ശേരി പനായി പുത്തൂര്‍വട്ടത്ത് മകന്‍ അച്ഛനെ വെട്ടിക്കൊന്നു. ചാണോറ അശോകന്‍ (71) ആണ് കൊല്ലപ്പെട്ടത്. പ്രതി മകന്‍ സുബീഷ് ഒളിവിലാണ്. തിങ്കളാഴ്ച ഉച്ചക്ക് കൊലപാതകം നടന്നെന്നാണ് വിവരം. വൈകുന്നേരം വീട്ടില്‍ വെളിച്ചം കാണാത്തതിനെ തുടര്‍ന്ന് അയല്‍വാസി എത്തിയപ്പോഴാണ് കൊലപാതക വിവരം പുറത്തറിഞ്ഞത്. വിവരമറിഞ്ഞ് ബാലുശ്ശേരി പൊലീസ് സ്ഥലത്തെത്തി. മൃതദേഹം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.

എട്ടു വര്‍ഷം മുമ്പ് അശോകന്റെ ഭാര്യയെ മറ്റൊരു മകന്‍ വെട്ടിക്കൊന്ന് ജീവനൊടുക്കിയിരുന്നു. മാനസികാസ്വാസ്ഥ്യം പ്രകടിപ്പിക്കാറുള്ള സുബീഷ് ലഹരി ഉപയോഗിക്കാറുണ്ടായിരുന്നു എന്നാണ് പ്രദേശവാസികള്‍ പറയുന്നത്. അമ്മയെ കൊന്ന മകനും ലഹരിക്കടിമയായിരുന്നുവെന്നാണ് വിവരം.

ഫോട്ടോ: കൊല്ലപ്പെട്ട അശോകന്‍.