റിയാദ്: സൗദി അറേബ്യയുടെ മിക്ക പ്രദേശങ്ങളിലും വെള്ളിയാഴ്ച വരെ കനത്ത മഴ തുടരാന് സാധ്യതയുണ്ടെന്നും പൊതുജനങ്ങള് ജാഗ്രത പാലിക്കണമെന്നും ജനറല് ഡയറക്ടറേറ്റ് ഓഫ് സിവില് ഡിഫന്സ് അറിയിച്ചു. സുരക്ഷിതമായ സ്ഥലങ്ങളില് താമസിക്കാനും താഴ്വരകളും വെള്ളപ്പൊക്ക സാധ്യതയുള്ള പ്രദേശങ്ങളിലെ സന്ദര്ശനവും യാത്രയും ഒഴിവാക്കാനും അറിയിപ്പില് പറയുന്നു.
മക്ക മേഖലയില് മിതമായതോ കനത്തതോ ആയ മഴക്കു സാധ്യതയുണ്ട്. ഇത് പെട്ടെന്നുള്ള വെള്ളപ്പൊക്കത്തിനും ഇടയാക്കാം. അല്ബാഹ, അസീര്, ജിസാന് മേഖലകളിലും സാമാന്യം നല്ല മഴയാണ് പ്രതീക്ഷിക്കുന്നത്.
നജ്റാന് മേഖലയില് മിതമായ തോതിലും മദീന മേഖലയില് നേരിയ തോതിലും മഴ പ്രതീക്ഷിക്കുന്ന സിവില് ഡിഫന്സിന്റെ അറിയിപ്പില് പറയുന്നു. ഏറ്റവും പുതിയ കാലാവസ്ഥാ അപ്ഡേറ്റുകള്ക്കായി ഔദ്യോഗിക ചാനലുകളും സോഷ്യല് മീഡിയ പ്ലാറ്റ്ഫോമുകളും നിരീക്ഷിക്കാന് സിവില് ഡിഫന്സ് പൊതുജനങ്ങളോട് അഭ്യര്ത്ഥിച്ചു.
Related News
