കുവൈറ്റ് സിറ്റി : കെ കെ എം എ ജഹറ ബ്രാഞ്ച് ഇഫ്താര് സംഗമം ജഹറ ഐ പി സി ഓഡിറ്റോറിയത്തില് നടന്നു. കേന്ദ്ര ആക്ടിങ് പ്രസിഡന്റ് കെ സി റഫീഖ് ഉദ് ഘാടനം ചെയ്തു. കെ കെ എം എ ജഹറ ബ്രാഞ്ച് പ്രസിഡന്റ് മുഹമ്മദ് കുട്ടി അധ്യക്ഷത വഹിച്ചു.
ദീനില് അമലുകള് ചെയ്യുമ്പോള് പ്രവാചകചര്യ അനുസരിച്ചാകണമെന്നും പ്രവാചകചര്യക്ക് യോചിക്കാത്ത ഒരു കര്മ്മവും അള്ളാഹു സ്വീകരിക്കുകയില്ലെന്നും കുവൈറ്റി പണ്ഡിതന് ഷെയ്ക്ക് അബ്ദുല്ല ആമിര് അല് ആജ്മി സദസ്സിനെ ഉത്ബോധിപ്പിച്ചു. റമദാന്റെ പ്രാധാന്യവും അവസാന പത്തിന്റെ സുവര്ണ്ണാവസരവും പരമാവധി പ്രയോജനപ്പെടുത്തി സല്കര്മ്മങ്ങള് കൂടുതല് വര്ധിപ്പിക്കുവാന് മുഖ്യ പ്രഭാഷണം നിര്വഹിച്ച ഉസ്മാന് ദാരിമി അടിവാരം സദസ്സിനെ ഓര്മ്മിപ്പിച്ചു.
സിറാജിന്റെ ഖുര്ആന് പാരായണത്തോടെ ആരംഭിച്ച പരിപാടിയില് റഫീഖ് കെ വി സ്വാഗതം പറഞ്ഞു. കുവൈറ്റ് ഐ പി സി പ്രതിനിധികളായ ശൈഖ് അഹമ്മദ് ജമീല് അല്ഷമ്മരി, ഫറാസ് ജാഹദ് അല്ഷമ്മരി, ശൈഖ് നളീം, കേന്ദ്ര നേതാക്കളായ ബി എം ഇക്ബാല്, അബ്ദുല് ഗഫൂര് എച് എ, ശറഫുദ്ധീന് ഓ പി, മുഹമ്മദ് അലി കടിഞ്ഞിമൂല, സോണല് നേതാക്കന്മാരായ അബ്ദുല്ലത്തീഫ് ശാദിയ, അബ്ദുറസാഖ്, കമറുദ്ധീന്, മജീദ് കെ സി തുടങ്ങി വിവിധ സോണ്, ബ്രാഞ്ച് ഭാരവാഹികളും സന്നിഹിതരായിരുന്നു.
ബ്രാഞ്ച് നേതാക്കന്മാരായ അബ്ദുല്ല ഫൈസി, ആരിഫ്, മമ്മൂട്ടി പട്ടാമ്പി, മുഹമ്മദ് ഇഖ്ബാല്, ഹക്കീം. സിറാജ് , ഫഹദ്, സുബൈര്, നവാസ്, ഗഫൂര്, നൗഷാദ് തുടങ്ങിയവര് പരിപാടിക്ക് നേതൃത്വം നല്കി.
