ജിദ്ദ : കേരളത്തില് വര്ധിച്ച് വരുന്ന മയക്ക് മരുന്ന് ഉപയോഗവും വിപണവും നിയമത്തിന്റെ പഴുതടച്ചു കര്ശനമാക്കണമെന്ന് ഇന്ത്യന് ലോയേഴ്സ് ഫോറം ആവശ്യപ്പെട്ടു. വിപണനത്തെ ഉപയോഗമായി കുറച്ചു കാണിച്ചു ശിക്ഷയില് നിന്ന് രക്ഷപ്പെടാന് പോലീസുകാരുമായി ഒത്ത് കളിക്കുന്നുണ്ടെങ്കില് അതിനെതിരെ ശക്തമായ നീക്കം ഉണ്ടാവണമെന്ന് ഇന്ത്യന് ലോയേഴസ് ഫോറം ആവശ്യപ്പെട്ടു. ആധുനിക കാലഘട്ടത്തില് ജുവനൈല് ജസ്റ്റിസ് ആക്ട് പരിഷ്കരിച്ച് 8 വയസ്സിലേക്ക് ചുരുക്കി അതിനു മുകളില് ഉള്ളവര് മേജര് ആയതായി കണക്കാക്കി ശക്തമായ ശിക്ഷ നടപ്പാക്കുകയും കാലഹരണപ്പെട്ട എന് ഡി പി എസ് ആക്ട് ശക്തമായ വകുപ്പുകള് കൂട്ടി ചേര്ത്ത് പരിഷ്കരിക്കണമെന്നും യോഗം ആവശ്യപ്പെട്ടു.
ഇന്ത്യന് ലോയേര്സ് ഫോറം പ്രസിഡന്റ് അഡ്വ :ഷംസുദ്ദീന് ഓലശ്ശേരി അധ്യക്ഷത വഹിച്ചു. അഡ്വ. അഷറഫ്, അഡ്വ. ഫിറോസ്, അഡ്വ. വിന്സണ് എന്നിവര് പ്രസംഗിച്ചു. അഡ്വ.സുമേഷ് സ്വാഗതവും, അഡ്വ ബഷീര് നന്ദിയും പറഞ്ഞു.
Related News
