മലപ്പുറം: ഒരേ സൂചി ഉപയോഗിച്ച് മയക്കുമരുന്ന് കുത്തിവെച്ച പത്തുപേര്ക്ക് എച്ച്ഐവി (എയിഡ്സ്) സ്ഥിരീകരിച്ചതായി ആരോഗ്യ മന്ത്രാലയം. ഇനിയും കൂടുതര് പേര് ഉണ്ടാവാനും സാധ്യതയുണ്ടെന്നാണ് വിലയിരുത്തല്. മലപ്പുറം വളാഞ്ചേരിയിലാണ് എച്ച്ഐവി ബാധിതരെ കണ്ടെത്തിയത്. ഏഴു മലയാളികള്ക്കും മൂന്ന് ഇതര സംസ്ഥാന തൊഴിലാളികള്ക്കുമാണ് രോഗബാധ കണ്ടെത്തിയത്.
ഒരാളില് എച്ച്ഐവി സ്ഥിരീകരിച്ചതിനെ തുടര്ന്ന് നടത്തിയ പരിശോധനയിലാണ് മറ്റുള്ളവരിലും രോഗം സ്ഥിരീകരിച്ചത്. ഇവര് ഒരേ സൂചി ഉപയോഗിച്ചതാകാം രോഗബാധക്കു കാരണമെന്ന്് അധികൃതര് പറയുന്നത്. കഴിഞ്ഞ രണ്ടു മാസം ആരോഗ്യ വകുപ്പ് നടത്തിയ പഠനത്തിലാണ് ഇതു കണ്ടെത്തിയതെന്ന് ഡി.എം.ഒ ഡോ. ആര് രേണുക വെളിപ്പെടുത്തി.
സൂചി ഉപയോഗിച്ച് ലഹരി കുത്തിവയ്ക്കുന്നവര്ക്കിടയില് സംസ്ഥാനത്ത് എയ്ഡ്സ് ബാധ കൂടുന്നതായാണ് ആരോഗ്യ വകുപ്പിന്റെ കണ്ടെത്തല്. കുത്തിവെക്കുന്ന ലഹരി ഉപയോഗത്തിലൂടെ ഓരോമാസവും ശരാശരി പത്തിലധികം പേര്ക്ക് എച്ച്ഐവി സ്ഥിരീകരിക്കുന്നതായാണ് റിപ്പോര്ട്ട്.
Related News
